एदा ह्राङ्लान म्हान्सि
सेमसे काते चेगाइ लाजि
ह्राङ्लान बु ह्राङ म्हान्सि
ल्हुइ पिन्बारि तयार ताजि ।
काते म्हुनजुगु म्हेर्बा म्हाजि
एलान डान्बारि मि बाम्जि
सारजुगु ज्याबातेन थाल्जि दुइजुगु
सेमसे एलान मिन दोहोर्याप लाजि ।
काते मिख्लि कुटिसि ताइजि
खालाइदा थाहा नोन आतानि
न्हाङ्न्हाङरिन क्रोचिजि सेम
तासाइ एसे तिगाइ आम्राङ्नि, आगोनि ।
चेगाइ मि देन्बा मुबा ङाला
चेमा खाइमाइ आरेमुबा
तासाइ तिल्दा हिन्ना एला सेमसे
चु स्हेर खाइमाइ महसुस आलानि ।
सायद चेगाइ गिक्खेव्हना मुबा
सायद थोप्साङसे ह्रो आपिन्नि
ङामि दाते नोन एला दोसिमाम सोला
तासाइ एसे खाइमाइ फ्लिकदोसि आच्यानि ।
(छिगकि दोनः चेगाइ माया, चेमा– नाटक, गिक्खेव्हना– एकतर्फी, थोप्साङ– भाग्य)
दोःबा : यकिना अगाध
तपाईको प्रतिक्रिया दिनुहोस