म्हाङ्ला दोइ पुइसि, फिरग्यापह्युला ग्याम दाङ्जि
चुह्राङ्बान चिम फिरग्यापह्युल्पा स्हु स्हेर बेनान थोजि ।।

रे नाङ्ला प्राबा दिनिरि आस्याप्नि क्रु खानाङए
खालाइ आता चुरि ह्राङ्ला बिबा ह्राङ्दान म्हाइजि ।।

नाम्सा दिमला चेगाइ थे ब्राबा ग्यालाम डान्सि
ह्राङ्लान क्रिपतेन चिबान कुटिसि कादे सेम क्राजि ।।

आमाला कु थारेङ ताजि, आपाला छ्याम
याकारपनला स्हेरसे तिङ नुप्ना ग्रोप्जि ।।

फिरग्यापह्युलला केवासे ल्हानान ताम लोप्जि
गिक्खे चिबा थेन मिख्लि छुम्सि ह्राङ्लान मुस्कान गोजि ।।

सन् २०२६/५/१

(छिगकि दोनः फिरग्यापह्युल्पा– परदेशी, प्राबा– चर्को)

दोःबा : यकिना अगाध