ङेबा थेन क्राबारि
ह्राङ्लाम मुनोन मुला
स्यान्दोला वेदना नोन
ह्राङ्लान म्हान्सिमाम 
छिगजुगुदा क्लाङ्सिमाम 
माला ह्राङ्नोन स्युसि 
व्हाइखा ब्रिजि
दुख थेन बोल्बासे
राप ब्रिजि
ताङ्सि गजल ब्रिजि
दुइला हतारसे हाइकु ब्रिजि
स्हेर, स्हु
सुख, दुखला ब्रेल्बासे 
एला ह्रो ह्रिजि
मुस्कानसे एला केवा कोरतिजि
एला ह्रोसे एला चेगाइ ब्रिजि
ल्हाम हिन्ना व्हा
थोप्साङसे हिन्ना 
ग्यालाम थाहा आरेबा व्हा
म्लेबा हिन्ना
स्यान्दोला बिमा फेबा मुला
ङाला राप
बिछोड आहिन 
दुखरि ब्लुम्सि
दुख थाहा याङ्जि,
सुख म्हाइसिमाम ङोबारि सेजि
दुखरि ह्रो याङ्माहेन्छे
सुख थेन ताङ्बारि
ह्रो म्लेबा
ह्रोजुगु थेन
ङेङ्गोरला छ्याग्यातसे 
ब्रेल्बा तिगा हिन्ना
थाहा याङ्जि
चेगाइरि बुम्सि चेगाइ गोजि
तिङ्ला म्हि म्हाबा लोङ्बासे
फेबा गोजि
सेमला आभासरि
एला अनुपस्थितिसे
तिङ थेन सेम
छ्याक छ्याक ताबा महसुस लाजि
केवाला छ्योङ्बारि
एला अनुपस्थितिसे जेक्खे आहिन
चेगाइ
ब्रेल्बा
दुइ
ह्रो
डान्बा 
थेन 
घातसे
ङाइ छिग राजि
ओम ङा व्हाइखाब्रिखेन दोजि । 

(छिगकि दोन– ह्रो– साथ/साथी, चेगाइ– प्रेम, स्युसि– उनेर, ब्रेल्बा– सम्बन्ध, थोप्साङ– भाग्य, छ्याग्यात– सहकार्य)

दोःबा : यकिना अगाध