सिन्धुली । मरिण गाउँपालिकाला छोबाहलरि दुगु २५ गते सुङरे कानुनि ङोसेबा ब्रेल्चिबा महत्वपूर्ण अन्तरक्रियात्मक काठुइ ताबा मुला । स्थानीय तहरि केबा दर्ता, नागरिकता पिन्बा साप्तो प्रवाहदा  प्रभावकारी, सहज थेन साप्तोग्राहीमैत्री स्होबा दोन्तासे गेताङ आयोजना लाबा हिन्ना ।

ग्रेन्पो जिल्ला अधिकारी स्किम श्रेष्ठसे गेताङरि केबा दर्ता, नागरिकता याङ्बा प्रक्रिया, कानुनी ङोसेतोबा ओसेम नागरिकमैत्री साप्तो प्रवाहला नुररि विस्तृत ग्रादाङ पिन्बा मुबा । थेसे कानुनी ङोसेबा नागरिकला दानस्हि याङ्तामतेन ङोन्छाङ थुइबा नुर ताबासे चुदा प्रभावकारी स्ह्रुगरि कार्यान्वयन लाबारि स्थानीय तहला भूमिका महत्वपूर्ण तासेला पाङ्जि ।

गेताङरि गाउँपालिकाला चोहो विमर्श मुक्तान (प्रख्यात), स्यानचोहो विमला माझी, निमित्त ग्रेन्पो प्रशासकीय अधिकृत मधु लाखे, ल्होलो वडाला वडाचोहो, वडा गाउराइ ओसेम गाउँपालिकाला कर्मचारीजुगुसे उल्लेखनीय बोकिन्बा मुबा ।

गेताङरि बोकिन्बाजुगुसे साप्तो प्रवाहला ताङरि म्राङ्बा काक्ता, ह्रेवाकि अनुभव ओसेम थिग्युनला सुझावजुगु प्रस्तुत लाबान स्थानीय स्तररि ह्युल्बाला पहुँच देःबा स्होबा नुररि काठुइ ताबा मुबा ।

गाउँपालिकाला पदाधिकारीजुगुसे चुह्राङ्बा गेताङसे कर्मचारीजुगुला क्षमता ल्हेबाला छ्याम ह्यल्बादा योना, देःबा थेन विश्वसनीय साप्तो पिन्बारि ह्रो काप्सेला विश्वास व्यक्त लाबा मुबा ।

गेताङसे स्थानीय तहरि काननी ङोसेबा ब्रेल्चिबा जनचेतना ल्हेना लाबा थेन साप्तो थिग्युनरि सकारात्मक योगदान ताना लासेला अपेक्षा लाबा मुला ।

(छिगकि दोनः ङोसेबा– पहिचान, ब्रेल्चिबा– सम्बन्धी,  काठुइ– छलफल, छोबा– सभा, साप्तो– सेवा, ग्रेन्पो– प्रमुख, नुर– विषय, ग्रादाङ– जानकारी, दानस्हि– आधारभूत, याङ्ताम– अधिकार, ङोन्छाङ– प्रत्यक्ष, स्ह्रुग– रुप, स्यानचोहो– उपाध्यक्ष, काक्ता– समस्या, ह्रेवाकि– व्यवहारिक, थिग्युन– सुधार, देःबा– सहज/सजिलो)