आमासे ह्राङ
आमा आमा आरेमा नोन
ङादा 
आमाला ग्लारि 
ह्राङ्ज्युङसे
स्ह्योेरिन हासि
चिठासे रेन्ना ‘झ्यापे रेगो रेगो’
झ्यापे रेगो बिला
ङा आरेनान
ङादा स्ह्योला दिगु चाबा दुइरि हासि
हाक्कुपाक्कुसे पाङ्ला
‘हाक्कुपाकु मिन्जि
हाउ छ्यामामान चाबारि नि...’
ङा दिन्छेला कान चासि
नाम्सा कोर्बारि थोन्गेलामा
कारवति बोम्बोसे 
ङादा ग्याम काबान
ब्याप फेङ्सि स्याबान स्याबान 
कासि कासि थोम्बोर्ना लाला
स्यासि स्यासि कोर्सि कोर्सि आब्राउ बिसि काला
ङा दिन्छेला दिगु चासि
व्हारिला गाप्तारि क्यार कोर्जिमा
स्यान्दो नामे हासि 
ङादा चुराङ बिजिला–
‘आले
ब्लु नाइजि 
ब्लु नाइजि
दुइरि सानाम्गे लाउ
कोर्सिजे आब्राउ....
ङादा....
ङाला आमासे ह्राङ्नोन
ङादाम ह्राङ्ज्युङसे नोन
ग्यालाम ओन्बा मुला
स्याहार सम्भार लाबा मुला ।

२०८१/२/१, पोखरा ।

(छिगकि दोनः ह्राङ्ज्युङ– प्रकृति, सानाम्गे– खेतीपाती)