चार घण्टादोना यातना पिन्माहेन्से
अपाचे थेन स्यान्दो गोर ङ्ही प्रहरीजुगुसे
कैदीदा होशरि बाबारि
थेला ल्हुइरि बाल्टिनाङ क्युइ उम्सिकेन बिजि–

‘कर्नेलसे ङान्दा आदेश पिन्बा मुला
एदा चु पाङ्बारि
कि ह्राङ्ला ल्हुइ सोना लाबारि
याखारगि मौका एदा पिन्बारि खाम्ला ।

चोदे एसे पाङ्बारि खाम्जि बिसाम
ङानि गुङ्ला खाल्ला मि नक्कली काँचला हिन्ना
एदा यातनाग्याम सोना लासेला मुला ।’

थे अधिकारीजुगुदा ध्यानपूर्वक च्याबान 
कैदीसे याखारगि मिरिक्यार उन्जि–

‘थेला, थेला दायाँ मि काँचला हिन्ना ।’

छक्क परतिबा प्रहरीजुगुसे बिजि–

‘ए सोजि !
तासाइ खाराङ्लासि थाहा याङ्जि एसे ?
एला मोक्कोन ह्रोजुगुसे पाङ्आखाम्नि 
तिल्दाबिसाम चु मिजुगु अमेरिकी हिन्ना
ओम थेतासि मोक्कोन बिमा उत्कृष्ट नोन ।’

‘ल्हानान देःबा मुबा’, कैदीसे पाङ्जि
थेदा महसुस ताचिबा मुबा
कि थे दोसि बेहोश ताइ लाबा मुला,

‘ङादा च्यामा
घृणा आरेबा
गिक्खेन मि चु मुबा ।’

निश्चय नोन, 
थेन्छे थेदा यातना पिन्बारि बिसाम जारी थान्जि ।

(छिगकि दोनः देःबा– सजिलो)

अंग्रेजीग्याम हिन्दीरि दोःबा : राजेश चन्द्र, तामाङरि दोःबा : यकिना अगाध