माङ्ग्यार च्यासाम ह्याल म्राङ्बा
न्हाङरि च्यासाम दोप मुुला
चु जामेला कर्म खाइ हाराङ्बा आमा
ल्हानान दुङाल तासाइ हालाइदा आउन्बा ।

म्हिसे म्राङ्बा मुला ‘आरतिला ल्हुइ’ कादे ज्याबा
सार्बा म्हेन्दोला ह्वारिरि तोक जेसि नेजिबा
हाल्दा तिगा था आमा ङाला गोङ्माकादेरि पुजुसे तिप क्याजिबा मुला बिसि
हान्डो ग्युरु ताबान आमासे म्राङ्बा म्हाङ स्याप्पारि दोखाङ दोना दोबारि
ङा जामे ब्राबान मुला ।

जामे कोलाला स्हु ङाला आमा ह्राङ्सेजे था मुला
काङ फ्लारि पोर तासाइ, या जुम्बिरि छ्युल्दुर रेसाइ
ङाला जामे बिसि कुरि हाप ख्वाइसि थान्बा मुला ।

ङाला आमा चु जामेला गोरि ल्हानान दोइकादे मुला
अझै कादे ल्हिबा दोइकादे पुइतोमु था आरे
पुइना पुइनान ब्लाप्चि बिसाइ
ङ्होला डा फेट्टाङ्सि निसाइ
डा रेलसे धदेइ खिसि पुइसि तासाइ
न्हानरि ब्लाप्पा न्हासि तासाइ
आमासे सेम्से म्हान्बा ग्लारि दोना लाला
ओर्से दासे ताम ल्हिबा कादेदा
ङाला डेन्छेन आमाला
मिख्लि ताइना लाबाकादेदा
पुजुसे आहिन म्हेन्दोसे डेन लासि
ङाला आमाला स्ह्याल नेना लाला
साङ साङ्बा सेम फुुर्ताङना लाला ।

माहाभारत गाउँपालिका–२ रज्जेगाङ, माबार, काभ्रेपलान्चोक ।