चु ह्युल्ला दुङाल म्राम्ङ्सी लेप्चि ग्लिङ्गाङ शैपाल
चु नोन दुइरि बुद्ध मुसाम थोसेला टुबाक, राइफल ।।
न्हुपला गढी काँगडा थेन टिस्टा ह्याङ्लान हिन्बा
सुगौलीला थुन्च्यारि झेली लासि जिन्बाला ।।
जाम्बुलिङ्ला चु काप्स्यो तिनिन पोसि च्यागे
चौरी गौरी म्हेकादेसे नोन बिबा साँध क्यागे ।।
चु ह्युलरि बैरी वाङ्सि लाजि बिसाम न्होङ्ना
च्युर्कान बुर्कानसे छ्वासि डेसि लाला रो तोङ्ना ।।
सिमानाला जङ्गे पिलर लासि तासि खाली
भृकुटी थेन सीता मुसाम दोसेला मुबा काली ।।
(छिगकि दोनः थुन्च्या– सम्झौता)
तपाईको प्रतिक्रिया दिनुहोस