म्हिसे म्हिला अस्तित्वदा स्वीकार लाबारि आखाम्मा
ल्हानान ङ्योइबाजुगु केबा मुला
युद्ध बेना खानाङ डाला ले ....
युद्ध डाबारि आखाम्ना
युद्धविरामला चेमा मन्चन लासि षड्यन्त्र राबाकेन मुला
दाउ च्याबा मुला 
चु खाराङ्बा युद्धविराम हिन्ना ।

तिनि घमण्डला छ्याम 
युङ्बायुगला चेतावनीसे
साजाम्बुलिङला अस्तित्वफिरि चुनौती काप्बा मुला
अमेरिकी साम्राज्यवाद 
युद्धपिपासु 
उत्पीडित ग्याल्साला नागरिकजुगुला काला होनरि 
स्यान्दो ग्रेनसाम्राज्यला म्हाङ राबा मुला ।

घडीला सुई संकटरि खानाङ थेन्ताला दातेनोन यकिन आरे 
इरानी म्हिला साङ्लासे
बारुदी थाङ सिम्बारि पिन्बा मुला
काँचला डेङ ल्हागाब लासि 
युद्धविराम ताबारि आखाम !

(छिगकि दोनः चेमा– नाटक, साजाम्बुलिङ– पृथ्वी, ग्याल्सा– राष्ट्र, डेङ– पार्खाल)

दोःबा : यकिना अगाध