केवाला ग्यालाम देःबा आरे
खाइमा बामरि दोइ, खाइमा मिरि मिख्लि
खाजिबा ह्युलला ग्योइसे ब्रेबाकेन मुला ङादा
थेनोन ह्युलरि
टु थेन मिख्लिसे प्लिङ्बा कलमसे
ङाइ केवाला छार अध्याय ब्रिबाकेन मुला ।
ङाला चु गे लाबा याजुगु
ब्लाप्बासे दार्ला
तासाइ सेमसे बिला
‘हिम्मत ब्रेला आदे ।’
तिल्दाबिसाम
चु दुःख सातानला लागि आहिन,
चुमि जेक्खे थे चाम हिन्ना,
थेग्याम ङाइ ह्राङ्ला म्हाङ वाइसेला मुला ।
खाइमागि स्वार्थी ह्रो म्हाला
खालाइसे गोबारि आम्हाइ
तिगा अनुभूति ताबाकेन मुला ङा न्हाङरि ?
तासाइ थेनोन दुइरि
ङाइ ह्राङन्हाङरि लाबा थे साहस म्राङ्ला
थे साहससे बिला
‘ङा बाङ्बा मुला ।’
तिल्मा ब्लाप्बा मुबा, तासाइ थेनआतानि
तिनि कोल्बा मुला तासाइ ब्रेबा आरे
ओम न्हाङ्गार
अवश्य ङाइ ह्राङ्ला म्हाङ्ला महलला म्राप
ङाला चु मेहनती यासे ठ्वाङ्सेला मुला ।
थेतासि
ङाला सेमसे बिला,
हिम्मत ब्रेबादा दुइसे म्लेला
हिम्मत लाबाजुगुदा दोङरापसे डान्ना ।
तेमाल, काभ्रे । दाते : टोकियो, जापान ।
(छिगकि दोनः केवा– जीन्दगी, देःबा– सजिलो)
दोःबा : यकिना अगाध
तपाईको प्रतिक्रिया दिनुहोस