सोना लाजि एसे  ला कु दोना आमा
केना लाजि जामे चु पुरुषप्रधान ह्यूलदा ।।

छार्ना लाजि एसे म्हेन्दो ह्राङ आमा
सेनागोना लाजि चु जाम्बुलिङला गाथाकादेदा ।।

देवी, माता, केवाकर्ता बिसि छ्योको लाला
तासाइ तिल्दा रे रे नोन क्रादोबा ङादा आमा ?

देवी बिसि छ्योको लाबा थे लाथानरि
ङाला थे ङ्हारे तिल्दा बन्देज लाला आमा ?

खालाइला  तिलाइ न्होङ्ना आलासाइ
ङा फिरि गिद्धे मि तिल्दा क्याला आमा ?

ङाला ल्हुइ बनोट, ङाला ताम पाङ्बा
ज्यो ङाला क्वान्ना लम्बाईसे 
ङाला ह्रिक्पा तिल्दा निर्धारण लाला आमा ?

जाजामा ह्यान्दे जामेला ङोसेबा थोसि
खालाङरि लक्ष्मण रेखा आथाकाइ बिसि लोङ्बारि तिल्दा सोतोबा आमा ?

खाइमादाम्मान रिमठिम, इज्जत, प्रतिष्ठाला डोबा लोप्सि
ङा तिल्दा कु तासि टितोबा आमा ?

जामे ताबाला ङ्यान्दिसे दिमरि
ङाइ तिल्दा गृहिणि दुङाल नातोबा आमा ?

कात्ते ङाला दिङ ल्हेसि निजिे
थेतेन एरि तिल्दा लोङ्बा ल्हेसि निबा आमा ?

तासाइ आमा खाराङ्लासि ए लानि ह्राङ्लासि
दोपदोप्पा ङ्ह्यासेरि ह्यालह्याल तासि फेजि
ङा थेनोनह्राङ लासि चु ह्युलला 
विकृतिदा बोसि ङ्हाच्छा वाङ्ला आमा ।।

एला मिख्लि, एला हिम्मत थेन एला चेगाइ
हापख्वाइसि ङा चु ह्युल पोबारि ङ्हाच्छा वाङ्ला आमा ।।

(छिगकि दोनः ज्यो– शैली, ह्रिक्पा– चरित्र, ङोसेबा– पहिचान, ङ्यान्दि– कारण, नातोबा– सहनुपर्ने, चेगाइ– माया)