याम्बु । ग्लोबल आइएमई बैंक लिमिटेडसे स्यानह्युल तुन्बा, जाजा थेन गुङ्ला छोङ्नाम दिवस भव्य लिरि दाङ्बा मुला । 

बैंकसे ह्राङ्से छे पिन्बा तुन्बा, जाजा थेन गुङ्ला उद्यमीसे उत्पादन लाबा स्हेकादेदा बजारीकरणरि सहजीकरण लाबा दोखाङसे संचालन लाबा ग्लोबल हाटबजार बाबा हिन्ना ।

बैंकसे १३ बेल्बो सुङरेकुनु स्यानह्युल तुन्बा, जाजा थेन गुङ्ला छोङनाम दिवस थेन हाटबजार २५ छा हप्तारि वाङ्बा दुइसाङरि ह्राङ्ला हाटबजाररि विशेष मेला ङ्योइसाङ लाबा मुबा ।

‘उद्यमीला उत्पादन, ग्लोबल आइएमईला प्रोहत्साहन’ बिबा नारादा सेमरि किन्सि बैंकसे ह्राङ्ला लागानीरि संचालित तुन्बा, जाजा थेन गुङ्ला उदमीकादेसे लाबा उत्पादनदा बजारदोनाला पहुँच ल्हेना लाबा दोखाङसे बैंकला याम्बुला कमलादी शाखारि मुतेबा सुङरेकुनु हाटबजार संचालन लासिकेन खाबा मुला ।

स्यानह्युल तुन्बा, जाजा थेन गुङ्ला छोङ्नाम दिवस थेन हाटबजारला २५ छा हप्ता वाङ्बा दुइसाङरि ङ्योइसाङ लाबा गेताङरि ह्राङ्ला ताम थान्बान बैंकला प्रमुख कार्यकारी अधिकृत सुरेन्द्रराज रेग्मीसे ह्युलला अर्थतन्त्ररि तुन्बा, जाजा थेन गुङ्ला छोङ्नामला महत्वपुर्ण भुमिका मुला बिसि पाङ्जि । थेसे हाटबजारसे थेह्राङ्बा उद्यम छोङ्नामला ल्हेछ्यारि विशेष योगदान पिन्सेलारि नोन बाङ पिन्जि ।

थेसे हाटबजारसे टुबा थेन पिङ अर्थतन्त्र स्हेङ्बारि योगदान पिन्चिबा तुन्बा, जाजा थेन गुङ्ला उद्यमकादेला बजाररि पहुँच ल्हेना लाबा, कृषक थेन उपभोक्ता गुङरि ङोन्छाङ सम्बन्ध स्होबा थेन कृषकदा ह्राङ्ला उत्पादनला तोबा साइ पिन्बारि ह्रोला भुमिका क्लाङ्बा ताम थान्जि ।

(छिगला अर्थः छोङ्नाम– व्यवसाय, छा– औं, दाङ्जि– मनायो, स्यानह्युल– अन्तर्राष्ट्रिय, छे– ऋण/कर्जा, दोखाङ– उद्देश्य, बेल्बो– असार, सुङरे– शुक्रबार, दुइसाङ– अवसर, टुबा– दीगो, ङोन्छाङ– प्रत्यक्ष, साइ– मुल्य)