ग्योइखेन्पो अमृत योन्जन तामाङदा ‘राष्ट्रिय प्रतिभा पुरस्कार– २०८१’
याम्बु । ग्योइखेन्पो अमृत योन्जन तामाङ ‘राष्ट्रिय प्रतिभा पुरस्कार २०८१’ ग्याम डेन तासेला नेपाल सरकार रिमठिम, पर्यटन ओसेम नागरिक उड्डयन मन्त्रालयसे ग्रा पिन्बा मुला । मन्त्रालयला विज्ञप्ती आन्सार २०८२ बेल्बो १८ गतेला नेपाल सरकारला लोन्पोस्तरीय चिसाङसे चु निर्णय लाबा हिन्ना ।
राष्ट्रिय ओसेम प्रादेशिक प्रतिभा पुरस्कार गेग्युइल २०७४ आन्सार ग्योइ ओसेम ग्योइकाइ विधारि ज्याबा योगदान पिन्बासे योन्जनदा डेन लाइ लाबा हिन्ना । ह्रेङ्बा दुइहेन्से थेसे तामाङ ग्योइ थेन ग्योइकाइ ब्रिबा, डोबाला छ्याम अनुसन्धान लासि खाबा मुला ।
ग्योइखेन्पो योन्जनला छ्याम मन्त्रालयसे ग्योइ, ग्योइकाइ, रिमठिम, ह्रोल्ज्याङ ओसेम चेमा थेन ललितकला लासि गोर ब्लि थुमरि योगदान पिन्बाकादेदा पुरस्कार पिन्बा निर्णय लाबा मुला । चु पुरस्कार मन्त्रालयसे २०७४ दिङहेन्से पिन्सिकेन खाबा मुला ।
प्रादेशिक प्रतिभा पुरस्कार बिसाम बिमला तुम्खेवा, श्याम साह, नर्मदेश्वर सत्याल, मीनराज बसन्त रेग्मी, भगवानदास यादव, सल्यानी माइला थेन नरेन्द्रप्रसाद भट्टदा पिन्बा निर्णय लाबा मुला ।
(छिगला अर्थः गेग्युइल– कार्यविधि, ह्रोल्ज्याङ– संगीत, नाट्य– चेमा)
तपाईको प्रतिक्रिया दिनुहोस