याम्बु । एनआइसी एशिया बैंक थेन नेपाल ब्लियरिङ हाउस लिमिटेड (एनसीएचएल) गुङरि जाम्बुलिङला ल्होलो ल्होलो ह्युल्साग्याम नेपालरि खाबा अलीपेप्लस नेटवर्क प्रयोग लाबा प्रर्यटककादेसे ‘नेपाल पे क्युआर मर्चेन्ट’रि तिच्छुरिन भुक्तानी याङ्बा लासि सम्झौता लाबा मुला ।

चु सम्झौतालिच्छा भुक्तानी प्रणाली ग्याम पिन्बा अलिपेप्लसरि थुइबा च्युइ गिक बिमा ल्हाना ह्युल्साला म्हिदा नेपाल खामा राङ्ला ह्युल्साला वालेट व्हा बैंकिङ एप ग्याम चु बैंकसे पिन्बा नेपाल पे क्युआर मर्चेन्टकादेरि भुक्तानी याङ्सेला सुविधा बाबा मुला । थे सम्झौता स्योरि बैंकला तर्फग्याम सहायक प्रमुख कार्यकारी अधिकृत जयन्द्र रावल थेन नेपाल क्लियरिङ हाउस लिमिटेडला तर्फग्याम प्रमुख कार्यकारी अधिकृत नीलेशमान सिंह प्रधानसे हस्ताक्षर लाबा हिन्ना ।

अलिपे–नेटवर्करि दाते चीन, हङकङ, सिंगापुर, मलेसिया, फिलिपिन्स, मंगोलिया, थाइल्याण्ड, दक्षिण कोरिया, इटाली, मकाओ, जर्मनीतेन जाम्बुलिङला ल्होलो ल्होलो बैंक थेन भुक्तानी किन्बाकादे ह्रापह्रुप ताबा मुला ।

चु सम्झौतालिच्छा चु बैंकरि थुइबा मर्चेन्टकादेसे अलिपे–नेटवर्करि थुइबा ह्युल्साला पर्यटककादेसे नेपाल पे क्युआर ग्याम लाबा भुक्तानी देबाः लासि किन्बारि खाम्ला ।

बैंक थेन एनसीएचएलछ्याम ताबा चु सम्झौतासे ह्युल्साला अन्तरदेशीय क्युआर भुक्तानीरी नोन ल्हेछ्या लासि नेपालीरि खाबा पर्यटककादेदा देबाः लासि भुक्तानी लाबा सेवा पिन्बा मुला ।

(छिगला अर्थः स्यो– पत्र, देबाः– सजिलो, ल्हेछ्या– प्रबर्धन)