सिन्धुली २२ बेल्बो । मरिण गाउँपालिकाला न्होरह्रो थेन अर्पण गरिबी निवारण, याम्बुला ङ्योइसाङरि स्हेङ्बा जामेकोला सशक्तीकरण गेताङ न्हाङरि ३९० घन्टा गलैंचा राबा तालिम पिन्जि ।

स्थानीय जामेकोलाकादेदा सीपमुलक तालिम ग्याम आत्मनिर्भर स्होबा उद्देश्यसे चु तालिम संचालन लाबा हिन्ना । जिन्बा रेला गेताङ गाउँपालिका चोहो विमर्श (प्रख्यात) मोक्तानला चोहोदानरि ताबा मुबा । गेताङ जिन्बाकुनुला छोबारि वडा नम्बर ३ ला वडाचोहो जितबहादुर श्रेष्ठतेन गाउँपालिकाला ल्होलो शाखाला कर्मचारीकादेसे बोकिन्बा मुबा ।

तालिमसे स्थानीय जामेकोलाकादेदा गलैंचा राबा सम्बन्धी व्यवहारिक सीप पिन्बाला छ्याम थेन्दा स्वरोजगाररिक्यार वाङ्बा ग्यालाम ठ्वाङ्बा मुला । ङ्योइसाङ गेन्दुनसे खाबा दिङरिक्यार नोन चुह्राङ्बा तालिम पिन्सेला ग्रा पिन्बा मुला ।

(छिगला अर्थः न्होरह्रो– आर्थिक सहयोग, छोबा– भेला, गेन्दुन– संस्था, ग्रा– सूचना)