याम्बु २६ बेल्बो । ग्लोबल आइएमई बैंक लिमिट्ड ग्लोबल फाइनान्स म्यागाजिनला बेष्ट बैंक अवार्ड २०२५ ग्याम डेन ताबा मुला ।

चु अवार्डतेन ग्लोबल आइएमई बैंक लगातार दिङ ङ्ही ग्लोबल फाइनान्स म्यागाजिनला बेष्ट बैंक अवार्ड ग्याम डेन ताबा हिन्ना । ग्लोबल फाइनान्ससे ग्लोबल आइएमई बैंकदा २०२४ रि नोन डेन लाबा मुबा ।

विश्वासनीयता, बित्तीय स्रोत परिचालन, पहुँच ल्हेना लाबा, रणनीतिक सम्बन्ध स्हेङ्बा, छोङ्नापा ओसेम ग्राहकमैत्री सेवाकादेला फेल्गेबा, क्रेडिट रेटिङ ह्राङ्बा मापदण्डकादेरि ग्लोबल आइएमई बैक सन् २०२५ ला लागि नेपालला उत्कृष्ट बैंक ताबा हिन्ना ।

बैंकला गेअधिकृत सुरेन्द्रराज रेग्मीसे चु डेनसे ग्लोबल आइएमई बैंकदा उत्कृष्ट सेवा पिन्बारि प्रोत्साहित काप्बा पाङ्बान चु डेनला लागि ल्होलो पक्षग्याम ह्रो लाबा नेपाल सरकार, नेपाल राष्ट्र बैंकतेन स्यान्दो नियामककादे, शेयरधनी, कर्मचारी थेन क्योङ ग्राहकवर्गरि ताङ्बा देप्सि हार्दिक आभार फुल्बा मुला ।

ग्लोबल फाइनान्स म्यागाजिनसे ग्लोबल आइएमई बैंकिङला छ्याम अफ्रिका, एशिया प्यासिफिक, क्यारिबियन, मध्य अमेरिका, ल्याटिन अमेरिका, मध्य थेन स्यार युरोप, मध्य स्यार, ज्याङ अमेरिका थेन न्हुप युरोप थुमला उत्कृष्ट बैंककादेदा डेन लाबा हिन्ना ।

ग्लोबल आइएमई बैंक ग्लोबल फाइनान्सला चु प्रतिष्ठित आवार्डग्याम डेन ताबा गिक्छा नेपाली बैंक हिन्ना । ग्लोबल फाइनान्ससे जाम्बुलिङला उत्कृष्ट केन्द्रिय बैक थेन वाणिज्य बैंककादेदा चु प्रतिष्ठित अवार्ड पिन्बा लाला ।

ग्लोबल फाइनान्ससे २०२५ ला लागि हङकङला एचएसबीसी, भारतला स्टेट बैंक अफ इन्डिया, चीनला चाइना कन्स्ट्रक्सन बैंक, नेपालला ग्लोबल आइएमई बैंक, मलेशियाला यूओबी मलेशिया, बङ्लादेशला सिटी बैंक, जापानला एसएमबीसीतेन जाम्बुलिङला ल्होलो बैंककादेदा ल्होलो विधारि डेन लाबा हिन्ना ।