तामाङ चलचित्र गेदुङला ‘स्योनाम पुरस्कार २०८२’ हिरोज लोप्चनदा
याम्बु १५ यान्दे । तामाङ चलचित्र गेदुङसे खुल्लापत्र डटकमला स्योमि हिरोज लोप्चनदा चु दिङ्ला स्योनाम पुरस्कारग्याम डेन लाबा मुला । तामाङ चलचित्र प्रदर्शन दिङ्साङ ३० छा संस्करणला दुइसाङरि लोप्चनदा डेन लाबा हिन्ना ।
गेताङरि २२ विधारि ल्होलो व्यक्तित्वकादेदा डेन लाबा मुबा ।
लोप्चनसे टुरिजम मिडिया नेटवर्क, धर्म टेलिभिजन, युनिभर्सल टेलिभिजनला छ्याम ल्होला यान्पाङ स्हेग्याम गेताङ प्रस्तोताला स्ह्रुगरि गेलाबा मुबा ।
दोलखा जिरीला लोप्चन लिच्छाला दुइ तामाङ चलचित्ररि नोन स्योनाम लासिकेन खाबा मुला ।
थे अमेइजीङ मिडिया प्रालिला चोहो हिन्ना । चु कम्पनीसे खुल्लापत्र डटकम अनलाईन संचालन लासिकेन खाबा मुला ।
लोप्चन तामाङ चलचित्र गेदुङ यान्पाङ विभाग ग्रेन्पोतेन तामाङ स्योनाम गेदुङ याम्बुला जोङ शाखाला चोहो सुताइ हिन्ना ।
(छिगदोनः गेदुङ– संघ, स्योनाम– पत्रकारिता, यान्दे– भदौ, स्योमि– पत्रकार, यान्पाङ– संचार, स्हेग्याम– माध्यम, स्ह्रुग– रुप, ग्रेन्पो– प्रमुख)
तपाईको प्रतिक्रिया दिनुहोस