याम्बु । नेपाल तामाङ ताम्बा घेदुङसे गान्बा ताम्बाकादे थेन स्योमिदा डेन लाबा मुला । ताम्बा घेदुङला सोङराति २ कुनु स्हेङ्बा कुछा ठोङ्बा रेला दुइसाङरि स्हेङ गेताङ म्हेन्दो ङि ताम्बा, ह्वाइला काइस्हेङ्खेन थेन म्हेन्दो गिक स्योमिदा डेन लाबा हिन्ना ।

नेपाल तामाङ घेदुङला संघीय चोहो मोहन गोलेला ग्रेनडोन्बो थेन ताम्बा घेदुङला चोहो पासाङ मोक्तानला चोहोदानरि ताबा गेताङ रामेछापला ताम्बा धोवि योन्जन तामाङ थेन दोलखाला ताम्बा मान बहादुर घिसिङदा डेन लाबा हिन्ना । ओराङनोन लासि व्हाइला काइस्हेङ्खेन भरत योन्जान थेन स्योमि सन्चु ब्लोन तामाङदान ताम्बा घेदुङसे ह्राङ–ह्राङ्ला थुमग्याम लाबा योगदानदा डान्बान डेन लाबा मुबा ।  

गेताङरि नेपाल तामाङ घेदुङला संघीय चोहो मोहन तामाङसे तामाङला ग्योइ रिमठिम सोना लाबारि बेनानसे भुमिका क्लाङ्तोबा पाङ्जि । थेसे म्हेमेआख्खेसे तेन्बान खाबा ठिमकादे म्हाबान निबा दुइरि आछोर्साम तामाङ ङोसेबा म्हाबा नाछालरि दोबारि ल्हाना आगाइसेला पाङ्जि ।

ताम्बा घेदुङला चोहो पासाङ मोक्तानसे डम्फु चुङ्जि बिदेमा खालाइ ताम्बा आता बिबान ताम्बा ग्युइदा नुप्ना लासि गोतोबा सेमताम थान्जि ।

गेताङरि ताम्बाला साङसेरगेम, दोहोरी व्हाइ कोबा थेन डम्फु स्याबानोन ओन्बाला मुबा ।

(छिगकि दोनः स्योमि– पत्रकार, नाछाल– अवस्था ,ङोसेबा– पहिचान)