याम्बु । म्हेन्दोमाया कलाकार गेदुङला चोहोरि देप्पेन आराम्भ तामाङदा दाम्बा मुला । सोङराति १५ कुनु याम्बुरि ताबा गेदुङला च्युइछा दिङ्साङ रेला गेताङ थेन ब्लिछा जोम्नासे तामाङला चोहोदानरि च्युइगिसे ङिस ह्रोमिला गेदाछोक स्होबा हिन्ना ।

म्हेन्दोमाया कलाकार गेदुङला स्यानचोहोरि किर्तिमान तामाङ, ग्रेनगाइराइरि शिशिर थोकर, गाउराइरि लक्ष्मी स्याङतान थेन न्होरचोहोरि मानबहादुर गुरुङदा दाम्बा मुला ।

ह्रोमिकादेरि सिता लामा, रितु तामाङ, शान्ती माम्बा, ममता गुरुङ, सन्जू तामाङ, लोकेन्द्र तामाङ, दुर ब्रेभ गुरुङ दाम्बा मुला ।

ओराङ्नोन लासि प्रकाश वाईबा, सुमन घले, प्रमिला तामाङ, लिलु तामाङ थेन करिसा तामाङ नोन ह्रोमिरि दाम्बा मुला ।

म्हेन्दोमाया व्हाइदा छार्ना ल्हेना थेन सोना लाबा छ्यामरि म्हेन्दोमाया कलाकारकादेदा ग्ला गिकरि बाबारि गेदुङ ठोङ्बा हिन्ना । गेदुङसे थोबा दोन्ता आन्सार गे लाबान निसेला चोहो आराम्भ तामाङसे प्रतिवद्धता लाबा मुला ।

जोम्नाला ठोङ्सेङ गेताङरि ङ्हाच्छाला ब्लोनकादे दिलमान पाख्रिन, पर्शुराम तामाङ थेन म्हेन्दोमाया काइपा लेक योन्जनतेन स्यान्दो डोन्बोजुगुसे ज्याबाम्हान्बा सेमताम थान्बा मुबा ।

(छिगकि दोनः गेदुङ– संघ, गेदाछोक– कार्यसमिति, ह्रोमि– सदस्य, स्यानचोहो– उपाध्यक्ष, दोन्ता– उद्देश्य, ब्लोन– मन्त्री, सेमताम– मन्तव्य)