इराक । नेपाल तामाङ घेदुङ, कुर्दिस्तान–इराकसे सन् २०२६ ला २३ जनवरीकुनु मन्जुश्री सम्बत् २८६२ ला ता ल्होला सोनाम ल्होछार दाङ्गे लाबा ग्रादाङ पिन्बा मुला ।

गेताङ Oscar Hall, Searchinar, Sulemani रि स्ह्योला १० ङ्ह्यामाहेन्से ङ्यासेला ५ ङ्ह्यादे दोना तासेला मुला ।

नेपाली जामेकोला समाज, कुर्दिस्तानला ग्रेनगाउराइ माया स्याङ्तान तामाङला आन्सार गेताङरि नेपालग्याम दोबा चर्चित कलाकारकादे काइपा प्रकाश तामाङ तितुङ थेन लोकदोहोरी काइमो मनमाया तामाङला बेजोड प्रस्तुती तासेला मुला । छ्यामरि, स्थानीय कलाकारजुगुला रिमठिमकि प्रस्तुती तासेला मुला ।

गेताङरि इराक–कुर्दिस्तानरि मुबा ल्होलो गेदुङ–गेन्दुनला गोछापा, पदाधिकारी, समाजसेवी, छोङ्नाम ओसेम क्योङ तामाङ थेन स्यान्दोजुगुदा दोगाबाला लागि घेदुङसे म्होइजेन लाबा मुला ।

तामाङ घेदुङ कुर्दिस्तान, इराकसे सन् २०१८ हेन्से निरन्तर तामाङ समुदायला ग्रेन प्रिबा सोनाम ल्होछारदा दाङ्बाला छ्याम तामाङ जातिदा तोरथिबारि गेलासिकेन खाबा मुला ।

(छिगकि दोनः ग्रादाङ– जानकारी, रिमठिमकि– सांस्कृतिक, गेदुङ/गेन्दुन– संघ/संस्था, गोछापा– प्रतिनिधि, छोङ्नाम– व्यवसायी)