जापान । नेपाल तामाङ समाज किता कान्तो क्षेत्रीय दाछोक, जापानसे १७ जनवरी २०२६ कुनु सोनाम ल्होछार दाङ्सेला ग्रादाङ पिन्बा मुला ।

गेताङ Brazilian community hall, oizumi रि रेला २ ङ्ह्यामाहेन्से तासेला मुला । गेताङरि चर्चित कलाकारकादे काइपा विश्व दोङ, काइमो जितु लोप्चनसे ह्राङ्ह्राङ्ला प्रस्तुती पिन्सेला मुला । छ्यामरि, स्यान्दो कलाकारजुगु दावा के शेर्पा, सुवास मोक्तान, बिनिता गुरुङ, सार्थक लामा, कर्म दोङ तामाङ थेन शीतल तामाङसे प्रस्तुती मुला ।

नेपाल तामाङ समाज किताकान्तो क्षेत्रीय दाछोकसे ‘ह्याङ्ला रिमठिम ह्याङ्लान ग्योइ, जाम्बुलिङरि ल्हेना लाइ । जाम्बुलिङरि स्ह्युबा ह्याङ तामाङ, ङेसि ताङ्सि डिक्सि ब्राइ’ बिबा उद्घोष थोसि तामाङ छोरुवा बाबा गेलाचिबा मुला ।

मन्जश्री सम्बत् २८६२ ला ता ल्होला सोनामदा समाजसे ग्रेन रिमठिमकि गेताङ स्हेङ्सि दाङ्गे लाबा हिन्ना । गेताङरि दोगाबाला लागि तामाङ ज्योज्योआले नानाआङा थेन ल्होलो गेन्दुनजुगुला पदाधिकारी, गोछापाजुगुदा दाल्ना लाबा मुला ।

(छिगकि दोनः दाछोक– समिति, ग्रादाङ– जानकारी, रिमठिमकि– सांस्कृतिक, गेन्दुन– संस्था, गोछापा– प्रतिनिधि, दाल्ना– आव्हान)