भजन प्रतियोगितारि गिक्छा ॐ मकरेश्वर भजन समूह याम्बु थेन ङ्हीछा ताजि सिन्धुली कलाघर
हेटौंडा । राष्ट्रिय लोक भजन चुड्का ख्युरछ्या प्रतिष्ठान नेपाल हेटौंडा मकवानपुरसे ङ्योइसाङ लाबा बागमती प्रदेश स्तरीय लोक भजन प्रतियोगिता थुम्बा मुला ।
गेताङ बागमती प्रदेश सरकार रिमठिम थेन पर्यटन लोन्पो विमल ठकुरीला ग्रेनडोन्बोरि ताबा मुबा । गेताङरि स्यान्दो डोन्बोकादे राष्ट्रिय लोक भजन चुड्का ख्युरछ्या प्रतिष्ठान नेपालला केन्द्रीय चोहो नारायण लेकाली, स्यानगाउराइ नारायण भुसाल, भजन प्रतिष्ठान लुम्बिनी प्रदेश चोहो काशीराम, बागमती प्रदेश इन्चार्ज ओसेम केन्द्रीय ह्रोम्हि नवीन पौडेल, केन्द्रीय ह्रोम्हि नारायण रग्मी मुबा ।
प्रतियोगितारि ल्होलो जोङ्ला गोरकु भजन समुहसे बोकिन्बा मुबा ।
प्रतियोगितारि गिक्छा ॐ मकरेश्वर भजन समूह याम्बु, ङ्हीछा सिन्धुली कलाघर, सोमछा दुधौली भजन समूह सिन्धुली थेन रिखेश्वर भजन समूह पालुङ, मकवानपुर ताबा मुबा ।
सान्त्वना याङ्बा समुहजुगुरि ॐ मनहरेश्वर भजन समूह मनहरी, रुद्रेश्वर भजन समूह, रिखेश्वर भजन समुह मुला ।
(छिगला अर्थः ख्युरछ्या– संरक्षण, रिमठिम– संस्कृति, स्यानगाउराइ– उपमहासचिव, ह्रोम्हि– सदस्य)
तपाईको प्रतिक्रिया दिनुहोस