बागमती नगर गुम्बा समितिला चोहोरि पाल्देन दोर्जे लामा
सर्लाही । बागमती नगर गुम्बा समितिला गिक्छा जोम्नासे चोहोरि काल्साङ छ्योईखोर्लिङ गुम्बाला प्रमुख लामा पाल्देन दोर्जे लामादा दाम्बा मुला ।
समितिला ह्रोचोहोरि पेमा वाङ टुप लामा, गाउराइरि चन्द्रबहादुर जिम्बा, न्होरचोहोरि पञ्ची मायाँ बोम्जन, छ्या–गाउराइरि फुुर्साङ लामा दाम्बा मुला ।
समितिला ह्रोम्हिजुगुरि आईते थिङ, कर्म ध्वज मोक्तान, सञ्चर सिङ स्याङतान दाम्बा मुला ।
समितिला ग्रोइपारिकादेरि गम्बिर सिङ पाख्रिन, सन्तबहादुर थोकर पाल्साङ दाम्बा मुला ।
बागमती नगरपालिका–१२ ला कालसाङ छ्योईखोर्लिङ गुम्बाला ख्राङ्गारि ताबा गिक्छा जोम्ना बागमती नगर गुम्बा तदर्थ समितिला चोहो पाल्देन दोर्जे लामाला चोहोदान थेन बागमती नपा १ ला वडाचोहो गम्बिरसिं पाख्रिनला ग्रेनडोन्बोरि ताबा हिन्ना ।
जोम्नारि साम्तेन देछेन छ्योई खोर्लिङ गुम्बा बथानेला चोहो सन्तबहादुर थोकर, प्रमुख लामा पेमा वाङ टुप लामा, हिसे छ्योईलिङ गुम्बाला प्रमुख लामा कर्म ध्वज मोक्तान, पेमा धेछेन छ्योईलिङ गुम्बाला प्रमुख लामा आईते थिङ, लिम्पा छ्योईलिङ गुम्बाला चोहो पञ्चि माया बोम्जन, प्रमुख लामा फुुर्साङ लामा, काल्साङ छ्योई खोर्लिङ गुम्बाला ह्रोचोहो चेतमान गोले, ग्याल्छेन लामा, बुम्साङ लामा, मदन लामातेन स्यान्दो डोन्बोकादेसे बोकिन्बा मुबा ।
तामाङ स्योमि छेन सर्लाहीला चोहो चन्द्रबहादुर जिम्बासे गेताङ स्याङ्बा मुबा ।
डोन्बोजुगुसे बौद्ध रिमठिमला ल्हेछ्या नगररि मुबा गम्बाकादेला एकता, गम्बाकादेला जिर्णद्धार र बौद्ध दर्शन, धर्म रिमठिम, ग्युइल थेन बौद्ध ग्युइसेरला ख्युरछ्या थेन आत्मनिर्भर स्होबारि बौद्ध दर्शन सम्बन्धि डोबा थेन विकास लाबारि पोबा दुइला ग्युइसेर किन्बान परिस्थितिला पोबातेन दुइ सापेक्ष लिरि अझ डिछ्याबा थेन प्रभावकारी तोसोसे उपयुक्त गे लाबाला लागि मुतेबा गुम्बाजुगुला ह्रुप्सि बागमती नगर गुम्बा समितिसे दायित्व थेन महत्वपूर्ण भूमिका क्लाङ्तोबारि बाङ पिन्जि ।
(छिगला अर्थः स्योमि– पत्रकार, छेन– संघ, छ्या–गाउराइ– सहसचिव, ल्हेछ्या– सम्बर्धन, ग्युइल– कला, ग्युइसेर– शिक्षा, ख्युरछ्या) 
तपाईको प्रतिक्रिया दिनुहोस