सर्लाही ०८ बेल्बो । नेपाल तामाङ घेदुङ मधेश प्रदेश कार्यसमितिला चोहोरि संजीव मोक्तान (सर्लाही)दा सर्वसम्मत दाम्बा मुला । हरिवन– ११ रि मुबा सम्राट पार्टी प्यालेसरि ताबा घेदुङला मधेश प्रदेशला ङ्हीछा अधिवेशनसे छार कार्यसमिति निर्विरोध दाम्बा हिन्ना ।

छार कार्यसमितिला ह्रोचोहोकादेरि सुनमाया लोप्चन (बारा), अष्टबहादुर लोप्चन (पर्सा) थेन चन्द्रबहादुर मोक्तान (धनुषा) दाम्बा मुला ।

कार्यसमितिला ग्रेनगाउराइकादेरि बालकुमार रुम्बा (रौतहट) थेन कृष्णकुमार तामाङ (महोत्तरी) दाम्बा मुला । गोउराइरि रीता ब्लोन (सर्लाही) मुला बिसाम न्होरचोहोरि सरिता योन्जन (सप्तरी)दा दाम्बा मुला ।

छार कार्यसमितिला पदाधिकारी थेन ह्रोम्हिकादेदा निर्वाचन आयुक्त कुमार घिसिङसे शपथग्रहण किन्पुङ्बा मुबा ।

जोम्नाला ठ्वाङ्सेन घेदुङला संघीय चोहो मोहन गोलेला ग्रेनडोन्बो थेन मधेश प्रदेश चोहो यमलाल गोलेला चोहोदानरि ताबा मुबा ।

जोम्नारि स्यान्दो डोन्बोकादेरि घेदुङला संघीय छ्याचोहो कुमार घिसिङ, वरिष्ठ ह्रोचोहो रामकृष्ण ब्लोन, ह्रोचोहो धर्म डुमजन, सर्लाही क्षेत्र नं. ३ ला प्रतिनिधि सभा ह्रोम्हि हरिप्रसाद उप्रेती, प्रदेशसभा ह्रोम्हि जवाहरलाल कुशवाहा, हरिवन नगरपालिकाला प्रमुख रमेश बुढाथोकी (कमल), उपप्रमुख हरिमाया घलानलतेन ल्होलो गुन्दुनला प्रतिनिधिकिादे मुबा ।

(छिगला अर्थः छ्याचोहो– सहअध्यक्ष, ह्रोम्हि– सदस्य)