थाहा आरे खाइमादोमा स्याम्बा
रंगीचंगी दाज्र्युकादेसे
ङाला जाजाबा दार्जिलिङ ।
दुर्सावानरि फ्रेङ्बा दाज्र्युह्राङ
स्याम्चिबा मुला राजनीतिक दाज्र्युकादेसे
ङाला ह्राङ्लान दार्जिलिङ ।
शान्त मुला, निःशब्द मुला
रेदाङ्से हेपतिबा मुला
क्रान्ति थेन उन्मुक्तिला
दोङराप स्हेङ्बा वीर गोर्खाकादे
तिनि लाचार ओम विवश तासि सोचिबा मुला
थाहा आरे खाइमादोना हेपतिसेला
ङाला जाजाबा दार्जिलिङ
ङाला ह्राङ्लान केबाह्युल ।
पाडाम्हेन्दो, चाँप थेन स्युक्पा
म्हासतिसि जिन्बा मुला
स्हुर्दाम सुरुवाल
चौबन्दी आङ्रे म्हाजिन्बा मुला
थाहा आरे खाइमादोना स्याम्सेला
स्यान्दोलान गोइलो
अस्तित्व म्हासि नोन सोचिबा मुला
ङाला ह्राङ्लान आमाह्युल
ङाला चेमो दार्जिलिङ
ङाला ह्राङ्लान दार्जिलिङ ।
लेबोङ, दार्जिलिङ, भारत ।
(छिगला अर्थः स्याम्बा– सजिनु, दाज्र्यु– झण्डा, वान– घारी, स्हुरदाम– दौरा, चेमो– प्यारो)
दोःबा : यकिना अगाध
तपाईको प्रतिक्रिया दिनुहोस