थेसे ङ्यान्ना बर्खे झरीला धुन
हली, बाउसे
ओम रोपहारला गुन्जन
म्राङ्ला पिङ्ला चहलपहल ।
खाइमा,
युङ्बा दाराप्सि
हिलोला थाङ नासिकेन
दुइला ख्रेन्बाला गिक्छा छ्याम्बा
टुतेन ज्योप्सि ।
ट्वाइला दुइ
ब्रोइ तिगा हिन्ना बिसि ख्रेन्बादा ङ्योइबारि
ब्लाप्बा तिगा हिन्ना बिसि ब्लाप्बान्हाबादा ङ्योइबारि
ओम
छ्योप आबाम्बा तिगा हिन्ना बिसि झरीदा ङ्योइबारि
वास्तवरि
आबाम्बाम न्हा साप्रा मुला न्हा ङ्हो ।
क्योलोलो स्याप्बा मुला थेसे
ताङ्बाला सागर
ओम वाइबा मुला
स्हुला डेङ
ह्युल च्यासि स्हुकिन्बा बिबा
डिप्रेशन ल्हेना लाबा हिन्ना
ह्राङ्लान ख्राङ्गाला ताङ्बा ङोआसेना
स्हुला बाकबाक रुङ्बा ह्रिरि
सुखला ब्लु म्हाइबा मुर्खता हिन्ना ।
चोदे गोमाहेन्से थे
कोन्ज्योसोमला लि आपा आमाला
सभ्य थेन असल शासनरि
स्वर्गला अनुभूति लासि
लारग्युङ ज्युम ङेसि
ह्राङ्बाङ्ला सुस्केरा युसिकेन
बुन्बा ब्लाप्बा न्हाबाला बुरि
स्याप्बा मुला थेसे
ह्राङ्लान साप्रारि म्हाबा दुइ ।
काभ्रे ।
(छिगला दोन : स्हु– दुःख, कोन्ज्योसोम– भगवान, ह्राङ्बाङ– स्वतन्त्र, बु– सास)
दोःबा : यकिना अगाध
तपाईको प्रतिक्रिया दिनुहोस