ज्योतिषीला छ्योइसे बिला
लानि ग्रहणला ताम ल्हानान,
लाभ–हानीला राप पाङ्ला
माउका किन्सि थेनोन दुइ ।
सौर जगतला हिसाब पाङ्ला
लोङ्गो बिला ग्रहसे सताप लाला !
प्रकृतिहेन्से म्हिदोना,
सेमजेन ज्याबिहेन्से
काल राशीदोना,
ग्रहसे प्रभाव पारतिला रो,
डाबा म्हिसे ग्रहण आतेन्साम
मुतेबा तिलोरि ब्रेला रो !
न्हुप ह्युल थेन
न्हुपला ह्युलरि
खालाइसे ग्रहण आतेन रो !
लाभ–हानी, ग्रह चु !
तिगा हिन्ना ?
चुह्राङ्बा खालाइसे आसे रो !
खालाइसे बिला च्याला आदे
खालाइसे च्याला दुरबीन क्वान्सि
आउदिन अचम्म ग्रहण बिबा !
आसे ङाइचा चुला देन्बा !
आसेना खाइमाइ विश्वास थालाउ
खालाइला आस्था
थेसि–पाङ्सि,
कोन्ज्योसोम, उपकार
देन्बा तिङ
थानस्ह्युगो,
सातान ङाला ताम ।
दार्जिलिङ, भारत ।
दोःबा : यकिना अगाध
(छिगदोनः सेमजेन– पशु, ज्याबि– पन्छी, आतेन्साम– नामाने, तिलो– पक्ष, देन्बा– सच्चाइ)
तपाईको प्रतिक्रिया दिनुहोस