ङादा–
मसी ब्लुम्बा अर्थात् ब्रितोबा आरे
खालाइदा ताङ्ला लाबाला लागि ।

न्हा ब्रिला ङा खालाइदा
न्हाङ्ला तिङ मख्ख ताना लाबाला लागि ।

पाङ्बालान लागि
खालाइतेन डाजाङला भिख
आह्रि ङा ओम ह्रिबा आरे नोन ।

देन्बान तोबाआतोबा
पाङ्बा सुङ थेन ब्रिबा कलमसे देन्बा आट्वाइ ।

थेतासि ङा
देन्बा ट्वाइबारि बाङ्लाचिबा गेनाम हिन्ना
ङा थेनोन गेनाम ह्रोजुगुतेन ताङ्ला ।

याखारगिसे पाङ्ला–
डम्फु पेङ्दोर्जेसे स्होबान आहिन, ह्रेन्जेन ग्लेनोन आरेमुबा ।

ओम स्यान्दोसे पाङ्ला–
ग्लेनोन हिन्ना, ओन्माला सांस्कृतिक ह्रोल्मो पेङ्दोर्जेसेन स्होजि 
चुथामा मुला– ङाला म्हेला बाह्रै टक्का ।

थेतासि
खालाइदा मख्ख ताना
खालाइला ताङ्ना थेन सेमछुना ।

ङाइ पाङ्ला आदे, ब्रिला आदे 
थेह्राङ लासाम– ङा थेन स्यान्दो गुङरि ताला तिगा फेबा ?

लिच्छारि
चोत्तेजेक्खे पाङ्ला– थिसि आपाङ्गो, ह्राङ्ला नोबा स्होउ
ङादा लातोबा आरे खालाइला लिब्रो व्हा समर्थन ।

yonjandc@gmail.com

दोःबा : यकिना अगाध