सुन रोजि ताला व्हा म्हान्बा म्हेनिङ ला खामा
ह्राङ्ला नाम्सा थुमडान्बा ल्हुइ थारेङ तामा ।
ङ्हान्बाला प्रिबारिमि छुट्टि ल्हाना याङ्बा मुला
थे विदारि एतेन छ्याम चिबारि खाला आमा ।।
फाइला सेम थोबा म्हिला गुङरि चिबा मुला
जिम्मेवारला साङ्लारि थान्सि खिबा मुला ।
कावाला बिमाइ छ्वास ब्लोबा काइ ङ्यान्तोबा
ङ्यान्ना ङ्यान्ना न्हाबेङ्ला जाली थिबा मुला ।।
म्हान्बाराङ्बा आहिन्बा चिम ग्ला स्यान्दोला
हाइ तिगा लास्योमि थेन्नान ताम ङ्यान्तोला ।
कात्तेन बोमो हासाइनोन नासिमाम चितोबा
ताम दाङ्से देन्ना देन्ना बिसि सगुन ग्यान्तोला ।।
ज्याबा तोसोला म्हि चुरिक्यार म्हाइसि आयाङ
आपा आमा म्हेमे माम तासाइ आङि आस्याङ ।
सरकारी जागीर चाबादा ब्लोसि पाङ्बा चिम
प्लेगेराङ लाबाचिम बिबारि तिगाइ आम्याङ ।।
सम्बन्धित खवर
तपाईको प्रतिक्रिया दिनुहोस