तिनि न्हाङ्गार चु ह्युल्साला ग्रा ज्याबा आरे
ह्युल स्होला बिबाजुगुसे तिलाइ च्याबा आरे ।।

थेतासि ङादा म्हुना ङ्हुराप नोन अखाजि
हाकहोक फ्लोक चाल्बा तिलाइ ख्याबा आरे ।।

खाइ खाल्से स्होला स्हेङ्ला चु ह्युल्सा चुरि
क्योङ्नोन दोप्ता स्होजि खालाइ ग्याबा आरे ।।

मोक्कोन ग्याबा दोतोला ह्युल्सा स्हेङ्बारि 
क्युइ आयोना घट्टला म्हाने चुरि स्याबा आरे ।।

काभ्रे ।

(छिगकि दोनः ग्रा– सूचना, ग्याबा– कामदार/नोकर)