सिङला चक्कारि
दाते नोन साप्राला थाङ मुला,
तासाइ नोन म्हे ब्लाप्सिमाम
डान्बारि म्होर्जिन्बा मुला ।
चितवनसे चुदा
लडिया बिला,
न्हुपसे लह्रिया,
खानाङए लढिया–
मिन फेबाफेबा मुसिम
तासाइ स्हेर गिक्खेन हिन्ना ।
जोडी गि म्हेसे
पुइमुबा अन्न,
पुइमुबा म्हाङ,
बुहेन्से दिमदोना ।
तिनि
सडक च्युलच्युल्बा मुला,
इन्जिन क्रिङ्ला,
तासाइ लडियाला मौनतारि
सभ्यताला काइ मुला ।
विक्रम महतोला या
सिङ आथा,
दोङराप थुइला ।
सिङ आरेना स्होबा
चु गाडा
म्हिला जिद्दीसे
ह्राङ्ज्युङतेन लाबा सम्झौता हिन्ना ।
चुला साइ
सिक्कारि आक्योइ,
चुला साइ
आपाला टुरि
कोलाला लिउ ब्रिबा मुला ।
तिनि लडिया
प्रदर्शनीरि राप्बा मुला,
आब्रा–
तासाइ ङ्योइला
‘ङा म्हाजि बिसाम
एनि खानाङरिक्यार निबाकेन मुला ?’
सिङ्ला चक्कारि
दुइ दातेनोन कोर्चिबा मुला,
ङ्यान्सेला खालाइ मुला बिसाम
सभ्यता दातेनोन सोचिबा मुला ।
(छिगकि दोनः ह्राङ्ज्युङ– प्रकृति)
(लावा डग्गरग्याम किन्बा । दोःबा : यकिना अगाध)
तपाईको प्रतिक्रिया दिनुहोस