ङाइ गेस्टापोला कोल्मे गापजुगुदा ङ्योइजि–
ङाइ खाइमा केजि सरकारदा ?
तिगा ङाइ पाङ्जि ओम सरकार न्हाब्याङ आथेबा मुला,
ओम ह्राङ्लान ह्युल्बाला क्रिङ्बा आथे ?
तिगा ङाइ पाङ्जि ओम सरकार खजा मुला,
ओम खाइमाइ ह्राङ्ला ह्युल्बाला ह्रोला लागि या आता ?
तिगा ङाइ पाङ्जि कि सरकार मि आम्राङ्बा मुला
ओम ह्राङ खानाङरिक्यार निबाकेन मुला म्राङ्बारि आखाम ?
तिगा ङाइ पाङ्जि ओम सरकार नरभक्षी मुला–
ह्राङ्लान तान्बादा सेला ओम चाला ?
तिगा ङाइ खाइमाइ पाङ्जि
चोत्ते ग्रेन ताम चु जाजाबा सुङ्से,
ङाइमि जेक्खे सरल ङ्योइबाजुगु ङ्योइ खाम्ला
तिगादाम्मान तासाइ,
ङाला हैसियत नोन तिगा मुला ले ङाइ सरकारदा केबारि ?
(छिगकि दोनः केबा– गाली, कोल्मे– मानव, गाप– चिम्टा, खजा– अपाङ्ग, तान्बा– सन्तान, ङ्योइबा– प्रश्न)
दोःबा : यकिना अगाध
फेमी फातोबा (Femi Fatoba) नाइजेरियाला चर्चित व्हाइखाब्रिखेन, चेमाब्रिखेन, अभिनेता, चित्रकार थेन रिमठिमकि आलोचक मुबा । थेला केबा सन् १९३९ रि नाइजेरियारि ताबा मुबा ओम सन् २००८ रि डोङ्जि । थे विशेषलासि सत्ता, भ्रष्टाचार, सामाजिक अन्याय थेन ह्युल्बाला स्हुफिरि क्यालो ओसेम प्रतिरोधात्मक व्हाइखा ब्रिबाला लागि ङोसेबा मुला ।)
तपाईको प्रतिक्रिया दिनुहोस