थिबा आहिन ह्याङ गिसेम गि डिक्सि रेतोला
उन्नति थेन प्रगतिला ग्यामरि ग्लागिरि पोप्तोला ।
जातीय द्धन्दसे मुक्ति सम्भव आता खाइमाइ नोन
न्यायला लागि ङ्हाप्पादा संघर्षसे ह्रोतोला ।
सातान स्ह्यान्दोला भररि ह्राङ्बाङ दोआखाम ह्याङ
आत्मनिर्भर दोबारि परजीवी सोच टाङ्तोला ।
पोलो सुसि तुल्सीला आश लाला आदे खाइमाइ नोन
देन्बा, ख्योल्बा गोबारि क्योङरि चेतनाला मुल थितोला ।
गधादा ख्रुसि म्हे स्होबा दुस्साहस लाला चुरि
ह्युलघाती शासकदा ह्युलभक्तकादे डिक्सि तोतोला ।
नोइ मुला, ख्रेन्बा मुला, शोक थेन कष्ट नोन मुला चुरि
समाजवादला लागि स्वार्थी चिन्तन सातान ख्लातोला ।
काभ्रे ।
दोःबा : यकिना अगाध
तपाईको प्रतिक्रिया दिनुहोस