ङ्हाच्छाला ग्ले
आपाला फोटो ओर्सिकेन क्राला !
दोसि थे युग
बाबारि आखाम्बासे । 
थेस डान्ना–
लिखन्डि काङरि कुर्सिमाम
‘सरकार’ बिसि
मोलम ताबा रैतीला लस्करकादे । 
दोसि
थेनोन ताङरि ब्रासिमाम खाचिबा । 
थे
नाइबा ग्यालठिम गद्दीरि
छोन फोर्बारि ब्रस छोन म्हाइबाकेन मुला । 
साइतला लागि
हुल गि ज्योतिष फिर्चिबा मुला । 
कांग्रेस, एमाले, माओवादी
आन्दोलनला
म्हेन्दोकादेदा सारक्युइ युबारि ख्लाजि । 
चुदुइरि 
म्हेन्दोकादे सिसिमाम ल्हाना लेङ्बा आरे । 
थेनिकादे
बिनोद चौधरीला माली हिन्ना । 
न्होरला अभावरि
आत्मदह लाबा अमृतकादे सिजि
तामसोरि डोबारि आम्हाइ !
दुइ पोबा मुला
सहिद–बेपत्ताला म्हाङ आहिन
बिचौलिया
समृद्धला म्हाङसे म्हेर्बारि आखाम । 
बिचौलियाला 
कोसेलीसे जेक्खे शान्ति याङ्ला । 
चुदुइरि
नेपालला खेबाः थेन छार नायककादेला
सिनेमा चुह्राङ्बान मुला ।

(छिगला अर्थः खेबाः– पुरानो)

दोःबा : यकिना अगाध