आतोबा स्हेर चिम केवा
असन्तुष्ट चिम सेम
ताङ्बाम झन बित्थाला चिम
देउरालीरि पाती फुल्सि
युङ्बा फिरि युङबा काप्सि थान्सि
हान्डोरि गोङ्मा ल्हेबाते नोन
अहँ जाजाकिन
देबाः आरे सार्ना लाबारि ताङ्बा
रोना लाबारि उमंग
ज्युमङेबारि केवा ।
खाइ तिल्दा ?
फिस्सा ङोबारि म्हाइबा सुङफिमा ज्योर्ला
बुबारि चुबा सुख च्यार्बारि म्हाइला
हार्बारि चुबा मि ब्लोबारि चुला
पाङ्गोले चेमो
आलुना पाङ्गो ले
तिल्दा
एतेन एलापन आरे
चेगाइ आरे ।
ह्राङ्लाजुगु ह्राङ्ला ह्राङ्बा आरे
तिल्दा ?
ओइ कली हिन्ना व्हा खाजिबा हिन्ना युग चु
खाइ तिगाला उथलपुथल हिन्ना चु
तिल्दा आरे ह्राङ्लारि ह्राङ्लापन
तिल्दा आरे म्हिरि मानवता ?
ओम
बुआरेबा थे ताम आपाङ्बा
युङ्बादा ला बिसि फ्यालाबा म्हि ङा
ङादा गोसाइ नोन आगोसाइ नोन
एदा ज्याना लासि
गोबाह्राङ लासि धुपमोनेसे छ्योकु लाबा म्हि ङा
पाङ्गोले युङ्बा
ताम पाङ्गोले तिर्याम
ङाइ तिल्दा आखाम्बा म्हिदा गोबारि ?
तिल्दा आखाम्बा म्हिला सेम ङोसेबारि ?
सिन्धुपाल्चोक ,अन्दर्बुङ । दातेः– हेराङ, पाटन ।
(छिगला अर्थः स्हेर– पीडा, केवा– जीवन, देबाः– सजिलो, बुबा– अंकुराउनु, चेमो– प्रिय, चेगाइ– प्यार, बुआरेबा– निर्जिव)
दोःबा : यकिना अगाध
तपाईको प्रतिक्रिया दिनुहोस