सेमनिबा चित्र योजना
जवानीला क्यानभासरि
सार्सि साम्बा हार्सि जिन्बा मुबा । 
निर्जिव गुलाफला म्हेन्दो
सतिसाँखुला सिङ्से ख्राङ्सि
लापिन्जि पुरज्याङ्बा 
तिङ्ला दुर्सारि 
डान्बासे डेबा मुला, तिङ्ला डेङ
काज्याङरि का ब्योङ्बाकेन मुला कि मिख्लि ? 
कुरुप दोबा मुला वास्तविकता
नुप्बा कल्पनाला सुरुङरि
चेगाइला नासोदा छुम्बा मुला । 
याखारगि सिम्बा व्हाइखा
ल्हेसिमाम वाङ्बारि चुबा मुबा
थे खाइमाइ पुरा ताबारि आखाम्नि 
ङा ह्राङ्नोन हिन्न, 
छोन्बो प्रमाण
गाङ्साल अपुरो व्हाइखाला राप म्राङ्बा
ह्रि, बगर, म्हेन्दोवान हेन्से
बार्दलीरि ख्रुङसि बार्गेनिङ लाबान
मिरक्वाङक्वाङला पेबा गाप्बा झ्यालला पर्दा ल्हागाब लासिकेन
अधुरो व्हाइखा पुरा लाबारि
दानः मुबा म्हि दोसि
म्हि ह्राङ्बान म्हि दोसि
ताङबा, लि थेन व्यवहारतेन संगत लासि च्यासि
दोपला कैंची दोसि
कोशिसला चामकादे ल्हानान स्होजि 
केवाला गान्दिरि 
तारति आखाम्नि
ङाला तिलाइ आगेल्नि । 
ङा अमूर्तन चिजि
ङाला क्रिङ्बाकादेदा आथेन थेतोबासे
टाङ्बा का थेन ल्हानान आज्याबा म्हाङजुगु
टुहुरा दोसि
सुनकोशीला ब्योङ्बातेन ब्योङ्बाकेन मुला
दोबारि थारेङ... ।
२६ ,जेठ २०८२

(छिगला अर्थः ताङ– अनुक्रम, सार्बा– फक्रेको, साम्बा– ओइलिएको, काज्याङ– रक्तनली, दानःमुबा– आधारभूत, चाम– पुल/भर्याङ, आगेल्बा– केही नचल्नु/सीप नलाग्नु, का– वचन, पुरज्याङ्बा– अन्त्येष्टि)

दोःबा : यकिना अगाध