याम्बु ११ बेल्बो । नेपाल तामाङ घेदुङ याम्बु, जोङ समिति थेन घुदुङ, टोखा नगर समितिला समन्वयरि टोखारि तिरेला तामयिग हिगिरि पाठ्यपुस्तक ब्रिबा प्रशिक्षण पिन्बा मुला ।

गेताङरि ‘तामाङ आमाग्योइरि ग्युइसेरला महत्व, चुनाउती, तामाङ ग्योइरि तामयिग हिगिग्याम पाठ्यक्रम ओसेम पाठ्यपुस्तक’ क्राछिगरि प्रशिक्षण पिन्बा हिन्ना । टोखा नगरपालिकाला ग्युइसेर शाखाला न्होरह्रोरि चु गेताङ ताबा मुबा ।

टोखा नगरपालिकाला ग्युइसेर शाखाला प्रमुुख बाबुराम गौतमला चोहोदानरि ताबा गेताङ टोखा नगर उपप्रमुख मुरारी तामाङला ग्रेनडोन्बोरि ताबा मुबा ।

गेताङला विशेष डोन्बोकादेरि नेपाल तामाङ घेदुङला संघीय चोहो मोहन गोले, प्रमुख प्रशिक्षक प्रतीक ङेसुर तामाङ, घेदुङला संघीय ह्रोम्हि ओसेम याम्बु घेदुङ इन्चार्ज सुर्यमान तामाङ, घुदुङ याम्बुला चोहो राजु लामा वाईबा तामाङ, प्रदेश ह्रोम्हि कृष्णबहादुर तामाङ, टोखा नगर चोहो सुर्यबहादुर तामाङ तारकेश्वर नगर चोहो महेश्वर लामा मुबा ।

गेताङ नगरपालिकाला ग्युइसेर अधिकृत खगेन्द्र धामीसे संचालन लाबा मुबा ।

गेताङरि पाठ्यपुस्तक ब्रिबारि ह्रोलाबा समितिला चोहो राजकुमार तामाङ, झोर महांकाल माध्यमिक लोप्खाङ डिछ्याबा समितिला चोहो दिल बहादुर तामाङ, घेदुङ याम्बुला गाउराइ सन्जु तामाङ, न्होरचोहो राजिन लामा तामाङ, छ्यागाउराइ दिलिप तामाङसे बोकिन्बा मुबा ।

चुह्राङ्नोन लासि गेताङरि संघीय छारिब्योन घेदुङ ह्रोम्हि शशिकर लामा, छारिब्योन घेदुङ याम्बुला संयोजक नर बहादुर तामाङ, टोखा १ नं वडाचोहो रमेश कुमार लामिछाने, झोर महांकाल माध्यमिक लोप्खाङला प्र.अ. भिमसेन अधिकारीतेन स्यान्दोकादेसे बोकिन्बा मुबा ।