याम्बु, १४ ख्रेला । ज्योति विकास बैंक लिमिटेडसे चितवन सौराहाला  ‘Rhino Lodge and Hotel’ रि बैंकला ग्राहकजुगुदा विशेष छुट पिन्सेला ब्रेल्चिबा थुन्च्या लाबा मुला ।

चु थुन्च्या लिच्छा, ज्योति विकास बैंकला ग्राहकजुगुसे चु होटेलरि २५ कारग्या दोना छुट याङ्बारि खाम्सेला मुला । सौराहाला रमणीय ह्राङ्ज्युङकि दृश्य, स्हिवा वातावरण थेन उच्चस्तरीय साप्तो साप्तोनजुगुला ङ्यान्दि चु होटलसे पर्यटकजुगुला सेम डाबान चितवना विशिष्ट दोखाङला स्ह्रुगरि ह्राङ्ला ङोसेबा स्थापित लाबा मुला ।

गेन्दुनकि सुशासनदा थोप्ब्थान लाबान, समाजफिरि उत्तरदायी चु विकास बैंकसे मोक्छार चिन्तनला छ्याम समाजला अभ्युदय थेन टुबा ग्युरपोबाला संवाहक दोबान मुतेबा नागरिकला केवा जाज्वल्यमान स्होबा दोन्तादा सातान तोच्चा प्राथमिकतारि थान्बा गेदा निरन्तरता पिन्बा लाबा थेन खाबा रेजुगु नोन ग्युरपोबाला होइस्हेर दोबा अठोट व्हना प्रतिबद्ध चिबा मुला । ह्राङ्ला खुद मुनाफाग्याम नेपालरि दाते सञ्चालनरि मुबा स्यान्दो बैंक ओसेम वित्तीय गेन्दुनजुगुसे सामाजिक उत्तरदायित्व न्हाङ्ला समाजिक गेरि लाबा योगदान बिमा ५० कारग्या ल्हाना न्होर फेसि समाजफिरि उत्तरदायी दोबा चु विकास बैंकसे नागरिकला सर्वोत्तम हित सातान तोच्चा प्राथमिकतारि थान्बा मुला ।

ल्हुइथाङ थेन सुदृढ जनशक्तिन ग्याल्सा स्हेङ्बाला मेरुदण्ड हिन्ना बिबा दृढ़ तेन्बादा थोब्फुल थान्बान, चु विकास बैंकसे छारकेबा लाइनुला अकाल डोङ्बा रोकथाम थेन केवा ह्रावा लाबारि ल्हेबा स्पष्ट पहलकदमी ओसेम योगदानसे ७० गोर डोइखाबा लाइनु व्हना मुतेबा दिङ २५९० बिमा ल्हाना नेपाली लाइनुजुगुला अमूल्य केवा ह्रावा लाबारि सफल ताबा मुला । चुह्राङ्बा केवा ह्रावाकि लाब आउदिन ग्रेन्पो थुमरि नेपालरि मुबा बैंक ओसेम वित्तीय गेन्दुनजुगु गुङ्ला ज्योति विकास बैंकसे ङ्हाच्छाला ग्लारि चिसि गे लाबान समाजरि याखारगि सकारात्मक ग्युरपोबाला ब्लु सुबा लाबा मुला । चु विकास बैंकसे ग्याल्साफिरि ह्राङ्ला दायित्व पूर्ति लाबान निबा न्होरकि दिङरि रु. ४१ करोड कररि योगदान दोना लाबा मुला ।

ज्योति विकास बैंकसे उपत्यका थेन उपत्यका माङ्ग्यार लासि दाते ११८ शाखा गेदिम, ३ विस्तारित काउन्टर ओसेम ७५ गोर एटीएम ग्याम्से बैंकिङ्ग साप्तो पिन्सिकेन खाबा मुला ।

(छिगकि दोनः ब्रेल्चिबा– सम्बन्धी, थुन्च्या– सम्झौता, कारग्या– प्रतिशत, ह्राङ्ज्युङकि– प्राकृतिक, स्हिवा– शान्त, साप्तो– सेवा, साप्तोन– सुविधा, ङ्यान्दि– कारण, स्ह्रुग– रुप, ङोसेबा– पहिचान, गेन्दुनकि– संस्थागत, थोब्थान– शिरोपर, मोक्छार– नवीनतम, ग्युरपोबा– परिवर्तन, दोन्ता– उद्देश्य, तोच्चा– उच्च, होइस्हेर– ज्योति, व्हना– तर्फ/प्रति, ल्हुइथाङ– स्वास्थ्य, ग्याल्सा– राष्ट्र, तेन्बा– मान्यता, थोब्फुल– शिरोधार्य, ह्रावा– रक्षा, गोर– वटा)