सर्लाही । नेपाल तामाङ घेदुङ, मधेश प्रदेश थेन बागमती नगर कार्यसमितिसे त्रिरत्न निर्माण सेवा काभ्रेदा डेन लाबा मुला ।

बुद्ध त्रिरत्न निर्माण सेवासे २०८१÷११÷२ हेन्से गे तिसिमाम २०८१÷३÷२ गते न्हाङरि छ्योआछ्यो ५१ फिट नोबा बौद्ध स्तुपा स्हेङ्बा गे लाबासे चु डेन लाबा हिन्ना । घेदुङ मधेस प्रदेशला चोहो संजिव मोक्तान थेन बागमती नगर घेदुङला चोहो रोशन लामासे निर्माण सेवाला चन्द्रबहादुर बलदा डेन लाबा हिन्ना । थेदा बागमती नगरपालिका– ४ जिरायतला सांगेछोइलिङ्ग गुम्बा ओसेम बौद्ध स्तुपाला ख्राङ्गारि डेन लाबा मुबा ।

डेन गेताङरि बागमती नगरपालिका वडा नं. ४ ला कार्यवाहक चोहो अर्धमान सिङ्तान, जोङ घेदुङ स्यानचोहो शशी तामाङ, आदिवासी छारिब्योन गेदुङला चोहो सुमन लामा, बागमती घेदुङ स्यानचोहो अशोक घिसिङ, गाउराइ चन्द्रबहादुर जिम्बा, समाजसेवी शेरबहादुर योन्जनला छ्याम ल्होलो व्यक्तित्वकादेसे बोकिन्बा मुबा ।

मधेश प्रदेशलान क्योङबिमा ग्रेन बौद्ध स्तुपारि चु थुमला बौद्ध धर्मावलम्बीकादेसे दारेला दुइरि याम्बुला खास्योर स्तुपारिह्राङ छ्योकु थेन कोरो लाबारि याङ्सेला मुला ।

(छिगला अर्थः स्यानचोहो– उपाध्यक्ष, छारिब्योन– युवा, गेदुङ– संघ)