माछापुच्छे क्यापिटल लिमिटेड थेन अप्पर स्याङ्गे हाइड्रोपावर लिमिटेड गुङरि शेयर रजिष्ट्रार सम्बन्धी सेवा पिन्बा सम्झौता ताबा मुला ।

सम्झौता आन्सार माछापुच्छे्र क्यापिटल थेन अप्पर स्याङ्गे हाइड्रोपावरला धितोस्यो कारोबार सम्बन्धी अभिलेख थान्बा, दाखिला खारेज, मिनल्हेबा, रोक्का थान्बा, शेयरवालाकादेला लगत अद्यावधिक लाबा ह्राङ्बा मुतेबा शेयर रजिष्ट्रार सम्बन्धी सेवा पिन्बा सम्झौता ताबा हिन्ना । सम्झौता २२ बेल्बोकुनु ताबा हिन्ना ।

सम्झौता गेताङरि माछापुच्छ्रे क्यापिटल लिमिटेड ग्याम प्रमुख कार्यकारी अधिकृत उपेन्द्र मालाकार थेन अप्पर स्याङ्गे ग्याम प्रबन्ध काठाक्पा विरबहादुर घलेसे सम्झौता स्योरि हस्ताक्षर लाबा हिन्ना ।

चु सम्झौतातेन अप्पर स्याङ्गे हाइड्रोपावर लिमिटेडला शेयर रजिष्ट्रार सम्बन्धी मुतेबा गे माछापुच्छ्रे क्यापिटल लिमिटेड बागदरबार, याम्बुग्याम तासेला मुला ।

माछापुच्छ्रे क्यापिटल लिमिटेड, माच्छापुच्छ्रे बैंक लिमिटेडला ह्रो कम्पनी हिन्ना । पब्लिक लिमिटेड कम्पनीला लिरि स्हेङ्बा धितोस्यो छोङ्नाम (मर्चेन्ट बैंकर)कम्पनी, माछापुच्छ्रे क्यापिटल लिमिटेडसे नेपाल धितोस्यो बोर्ड ग्याम प्रत्याभूति, लगानी डिछ्याबा, गेन्दुनगत परामर्श सेवा, निक्षेप ह्रोम्हि, निष्काशन थेन चुङ्बा प्रबन्धक, शेयर रजिष्ट्रार ओसेम सामुहिक लगानी कोष सेवा पिन्सिकेन खाचिबा मुला ।

(छिगला अर्थः स्यो– पत्र, बेल्बो– असार, काठाक्पा– निर्देशक, छोङ्नाम– व्यवसायी, डिछ्याबा– व्यवस्थापन, गेन्दुनगत– संस्थागत, ह्रोम्हि– सदस्य)