याम्बु २७ बेल्बो । बागमती प्रदेशला आन्तरिक मामलिा ओसेम ठिम मन्त्रालयला ङ्योइसाङरि विपद् जोखिम च्याङ्ना लाबा थेन थेला लागि लातोबा गेफिरि जोङ सुरक्षा समितितेन समन्वयात्मक चिसाङ जिन्जि ।

मनसुनजन्य विपद्ला जोखिम च्याङ्ना लाबा थेन थेला लागि लातोबा गेफिरि प्रदेश सरकारसे सुङरे याम्बु, खोपोङ थे हेराङ जोङ्ला सुरक्षा समितिजुगुतेन समन्वयात्मक काठुइ लाबा हिन्ना । चिसाङलिच्छा यान्पाङ्पाजुगुतेन ताम लाबाकेन लोन्पो लामिछानेसे निबा म्हेनिङला घटना ग्याम पाठ लोप्सि ङ्हाच्छान लातोबा तयारी वाङ्चिबा पाङ्जि । थेसे निबा दिङला म्हेनिङरि खाबा होनसे दान्नाइ १२ अर्ब रुपैयाँ च्योच्योला क्ष्ाित दोना लाबा बिबान चु दिङरि उच्च सतर्कतालिा छ्याम विपद् जोखिम च्याङ्ना लाबारि गेलाचिबा पाङ्जि ।

मुतेबा जोङ्ला सुरक्षा निकायकाजुगुदा सुताइ हाइ अलर्टरि चिबारि काठाक्बा पिन्बा लोन्पो लामिछानेला सेमताम मुला । थेसे विपद् डिछ्याबाला लागि प्रदेश याकारसे लाबारि आखाम्बा उल्लेख लासिकेन गेदुङ थेन प्रदेश सरकार गुङरि तोबा ह्रोगे थेन समन्वय लातोबा पाङ्जि । थेसे विपद् डिछ्याबाला लागि गेदुङ सरकारतेन रेमरेम बजेट ह्रिसाइ नोन गृह मन्त्रालयसे तोबा ह्रोआलाबा पाङ्जि । थेसे प्रदेशरि सुताइ विपद्ला लागि बजेट नोन आफेबा रिम मुबासे चुदिङ ह्राङ्लान पहलरि १० करोड रुपैयाँ विनियोजन लाबा पाङ्जि ।

थेला आन्सार काइब्लोनला चोहोदानरि चिबा राष्ट्रिय विपद् परिषद्ला चिसाङसे लाबा निर्णयकादे सुताइ दातेदोना कार्यान्वयनरि खाबा आरे ।

(छिगला अर्थः बेल्बो– असार, ठिम– कानुन, सुङरे– शुक्रबार, खोपोङ– भक्तपुर, हेराङ– ललितपुर, काठुइ– छलफल, यान्पाङ्पा– संचारकर्मी, होन– बाढी, काठाक्बा– निर्देशन, याकार– एक्लै, गेदुङ– संघ, रिम– चलन, काइब्लोन– प्रधानमन्त्री)