याम्बु । नेपाल तामाङ घेदुङ प्रवास कार्यसमिति बहराइनला कुछा चिसाङ चिबा मुला । ९ मे २०२५ सुङरेकुनु बहराइनला मनामाला मुस्कान रेस्टुरेन्टला सभाहलरि गेन्दुनला चोहो पेमा पाख्रिन तामाङला चोहोदानरि चिसाङ चिबा हिन्ना ।
चिसाङरि गेन्दुनला मानार्थ ह्रोम्हि फलासिङ बल तामाङ थेन ग्रोइपा सन्तोष घिसिङसे विशेष सेमताम थान्बा मुबा ।
घेदुङ, बहराइनला गाउराइ अनिल वाईबाला आन्सार चिसाङसे १२ मेरि ङ्योइसाङ लाबा २५६९ छा बुद्ध केवासाङ भव्य लिरि तेन्बा नुररि काठुइ लाबा मुबा । थेताङरि लामा गुरु सबिन लामादा डेन लाबा मुबा ।
चिसाङरि ल्होलो प्रस्तावकादेफिरि बुँदागत लिरि काठुइ लासि महत्वपुर्ण निर्णयकादे लाबा मुबा । खाबा रेरि गेन्दुनदा कोङ्ना लाबा थेन प्रभावकारी स्होसि ङ्हाच्छा बोर्बा तामरि बाङ पिन्बान चोहो पेमा पाख्रिन तामाङसे चिसाङदा थुम्ना लाबा मुबा ।
(छिगला अर्थः चिसाङ– बैठक, गेन्दुन– संस्था, ह्रोम्हि– सदस्य, ग्रोइपा– सल्लाहकार, सेमताम– मन्तव्य, नुर– विषय, काठुइ– छलफल)
तपाईको प्रतिक्रिया दिनुहोस