‘नितोबाचा खानाङ हिन्ना ओ ?’ घले म्हेमेसे ङ्योइजि ।

‘ङातेन ब्रास्ह्युगो ले । तेन्तोबा ग्लारिन दोना लाल ले ।’ युगमानसे व्हाम्जि ।

बोगाल ङ्ही वाइबा म्हेमेला ल्हुइरि बाङ वाङ्जि । जवानीरि लाबा तेबान गे लाबा हौसला आउदिन ज्याना लासि खाजि थेला ।

योना योना कोठा न्हाङग्याम ‘हाफ पाइन्ट’, फिग्याम स्हुरदाम सुरुवाल क्वान्सि तयार ताजि थे । जैविक रौनकतारि ताङ्बा जोस प्लिङ्जि । कुरि थेन ग्ला ग्लारि गाल चाल्बा घुम नोन तयार लाजि थेसे ।

युगमान थेला चु छाँट म्राङ्सि लोङ्जि, ‘हैट ! चुह्राङ्बा क्वान ? ओम चु ह्राङ्बा औजार ! ल्हाउ थोला आदे । चु स्हे म्राङ्सि ह्राङ्दा जोकर स्होला ।’

‘ओम तिगा लासे ओम ?’ कालकोल तासि थेसे ङ्योइजि ।

‘चिटिक्क ताबा गोइलोरि ब्रातोला । थेरि गान्बा म्हिकादेसे नोन रुङ्बा बोकिन्ना । ल्होलो चाबास्हे स्होबा ताला । स्यासि–कोसि रमाइलो लातोला ।’ युगमानसे गोना लाजि ।

खेबाः डान्बा थेन जैविकतारि ताङबा थेला उमंगरि म्लाङ खासु छ्याजि । हतास तासि थेसे पाङ्जि– ‘अपुइ ! बेल्बो पन्ध्रका दाङ्बारि निगे बिबा आहिन ?

गैरीबास, कालेबुङ, भारत ।

(छिगला अर्थः स्हुरदाम– दौरा, खेबाः– पुरानो, बेल्बो– असार, आछ्योबा– विलोप)

दोःबा : यकिना अगाध