नुवाकोट । लिखु गाउँपालिकासे चु दिङ ४९ करोड ३६ बुम ६२ तोङ्जाला बजेट बाबा मुला । न्होर दिङ २०८२÷८३ ला लागि गाउँपालिकासे १७ छा नाम्साजोम्नारि नीति ओसेम गेताङ थेन बजेट पेश लाबा हिन्ना ।

गाउँपालिका चोहो ध्रुव श्रेष्ठसे दिङनाङ्ला नीति ओसेम गेताङ थेन स्यानचोहो सुभद्रा अधिकारीसे बजेट पेश लाबा मुबा ।

स्यानचोहो अधिकारीसे चालु खर्च, पुजीगत खर्च थेन वित्तीय डिछ्याबाला रकम सुताइ थुइसि ४९ करोड ३६ बुम ६२ तोङ्जाला बजेट पेश लाबा हिन्ना । चु बजेट गाउँपालिकाला वडा समिति, नुरगत समिति थेन नुरगत शाखासे लाबा सेवा थेन गेला लागि फेसेला मुला ।

(छिगला अर्थः बुम– लाख, तोङ्जा– हजार, न्होर– आर्थिक, छा– औं, नाम्साजोम्ना– गाउँसभा, स्यानचोहो– उपाध्यक्ष, डिछ्याबा– व्यवस्थापन, नुर– विषय)