मण्डला थिएटररि तिनिहिन्दे चेमा ‘म्हाबा नाकि’ ओन्जि
याम्बु, २१ बेल्बो । थापागाउँरि मुबा मण्डला थिएटररि तिनिहिन्दे चेमा ‘म्हाबा नाकि’ ओन्बा मुला ।
रबिन तामाङसे चेमारि पोबा चेमाला काठाक्बा मणिकुलुङ राईसे लाबा मुला । नागि म्हामाहिन्दे तिबा चेमारि ह्युलसारि मुबा म्हिनिला दुङाल, ह्युलसाला नोङ्बा रिमठिम, ग्लेठिम थेन ह्युलठिमदा ओन्बा मुला ।
चेमा ग्याम ह्युलसारि खाराङ लासि जाजा म्हिजुगु खेपा, बाङ्बा म्हिजुगुला ङ्हाच्छा लिग्युरु लासि चितोबा दुइ मुला बिसि ओन्गेलाबा काठाक्पा मणिकुलुङसे पाङ्जि । म्हाबा नागिला रापग्याम चेमासे ह्युलसारि म्हाबा ह्युठिम थेन न्होङ्सि निबा ग्लेठिमदा ओन्बा बाङ लाबा मुला ।
काठाक्पा मणिकुलुङले पाङ्जि, ‘चु याखारि चेमा चेक्खेन आहिन । चु ह्युलसारि म्हासिगेन निबा ज्याबा डिछ्याकादेदा सोना लाबारि बेनाम म्हिजुगुला सेमरि छोरङान लातोबा मुला । चु चेमासे ह्याङ्ला ह्युल्साला न्होङ्सिकेन निबा ग्लेठिमतेन चुरि मुबा म्हिजुगुला सेमरि छोरङान बागाइ बिबा दोखाङ मुला ।’
गोने ४ गते थुम्सेला चेमारि काठाक्पा मणिकुलुङ, इन्द्रेणी कुलुङ, रमा कुलुङ, अविनाश डि.एम, रेज्मी राई, मिना श्रेष्ठ, किरण नेपालीसे बो किन्बा मुला ।
(छिगला अर्थः चेमा– नाटक, काठाक्बा– निर्देशन, डिछ्या– व्यवस्था, बेल्बो– असार, गोने– साउन, काठाक्पा– निर्देशक)
तपाईको प्रतिक्रिया दिनुहोस