हेराङ २२ बेल्बो । २०८१ दिङला माध्यमिक ग्युइसेर परीक्षा (एसइइ)रि उत्कृष्ट ताबा गोदावरी नगरपालिका वडा नं. ३ ला लोप्पोन, अभिभावक थेन लोप्खाङ्दा डेन लाबा मुला ।

गोदावरी नगरपालिका वडा नं. ३ से दिनिरे ङ्योइसाङ लाबा गेताङरि उत्कृष्ट नतिजाला छ्याम उतीर्न माध्यमिक तहला गोर ब्रे लोप्खाङला १८ म्हे लोप्पोनकादेदा डेन लाबा मुबा ।

डेन ताबाजुगुरि किटानी माविला स्वस्तिका राई, बसन्ती वि.क., रोहन तिमल्सिना, सरिता मोक्तान, जयश्री रोकाया थेन रुबिन धिताल मुला । पुष्पाञ्जली अङ्ग्रेजी माविला समृद्धि बस्नेत, मञ्जिल महत, सुमना श्रेष्ठ थेन आशिष लिम्बु मुला । सुर्योदय शैक्षिक विकास प्रतिष्ठानला सार्थक आचार्य, क्रसेन्ट अङ्ग्रेजी माविला प्रदिका लामा थेन मञ्जिला मगर मुला ।

विद्यासागर अङ्ग्रेजी माविला युनिका शेर्पा, रुविन बिसुंखे थेन आस्था विसुंखे, सेन्ट जेभियर गोदावरीला शान्वीश्री सिल्वाल थेन स्तुति सुवेदी मुला ।

गेताङरि गोदावरी नगरपालिका प्रमुख गजेन्द्र महर्जनसे लोप्पोन, अभिभावक थेन लोप्खाङला आब्लाप्बा मेहनतसे चु उत्कृष्ट नतिजा बाखाम्बा थुजेछे पिन्बा मुबा ।

थेसे गोदावरी नगरपालिका न्हाङरि ८० प्रतिशत बिमा ल्हाना उतिर्न तामा ह्राङ्बा ताङ्बा खाबा पाङ्जि । छ्यामरि, गोदावरी नगरपालिका न्हाङरि च्याङ्ना न्होररि डोखाम्बा लासि प्राविधिक ग्युइसेर पिन्बा लोप्खाङ संचालनला तयारी लाचिबा ताम थान्जि ।

गेताङरि उपप्रमुख मुना अधिकारी, वडाचोहो राज घिमिरे, नगरपालिकाला ग्युइसेर ओसेम छ्योङ्क्लाङ शाखा प्रमुख दिनानाथ पन्थीसे सेमताम थान्बा मुबा ।

(छिगला अर्थः लोप्पोन– विद्यार्थी, हेराङ– ललितपुर, ग्युइसेर– शिक्षा, दिनिरे– आइतबार, बेल्बो– असार, म्हे– जना, छ्योङ्क्लाङ– खेलकुद)