याम्बु १ गोने । ज्योति विकास बैंकसे सुरक्षा डिछ्याबा प्रणालीरि स्यानह्युल तेन्बा पिन्बा ISO 27001:2022  प्रमाणस्यो याङ्बा मुला । चुतेन ISO 27001:2022  प्रमाणस्यो याङ्बा नेपालला गिक्छा विकास बैंकला लिरि ज्योति विकास बैंकसे ऐतिहासिक उपलब्धी किन्बा हिन्ना । स्यानह्युल सर्टिफिकेसन गेन्दुन INTERCERT से पिन्बा चु प्रमाणस्यो ग्रा सुरक्षा डिछ्याबा प्रणालीला लागि आउदिन प्रशिद्ध स्यानह्युल सर्टिफिकेशन हिन्ना । चु उपलब्धीसे ज्योति विकास बैंकला मुतेबा ग्रा सुरक्षा संरचना उत्कृष्ट मुबा सुनिश्चितता ताबा मुला ।

बैंकसे मोबाइल बैंकिङ, कार्ड भुक्तानी सेवा, निक्षेप ओसेम छे सेवा थेन बैंकला आइटी, म्हि संसाधन, डिजिटल बैंकिङ, सामान्य प्रशासन, अपरेशन ओसेम जोखिम डिछ्याबाला थुमरि स्यानह्युल स्तरला उच्चतम थेन गुणस्तरीय ग्रा सुरक्षा प्रणाली लागू लासिकेन खाबासे INTERCERT ला चु सुरक्षा सर्टिफिकेशन याङ्बारि सफल ताबा हिन्ना । चुतेन ज्योति विकास बैंकला ग्रा सुरक्षा स्यानह्युल स्तरला मुबा सर्टिफाइ ताबा मुला । छ्यामरि, ISO 27001:2022 सर्टिफिकेशनसे बैकफिरि ग्राहक वर्गला विश्वास काप्बा दानः स्होबा मुला ।

ज्योति विकास बैंकसे ह्राङ्ला सुरक्षात्मक प्रणाली, ग्यारेम थेन नियन्त्रण नीतिकादेदा गहन परिक्षण लासिकेन थे प्रमाणस्यो याङ्बारि सफल ताबा हिन्ना । INTERCERT से चु विकास बैंकला ग्रा सुरक्षा उपायकादेदा प्राविधिक लिरि बाङ्बा, समसामयिक थेन जोखिम च्याङ्ना मुबा ठहर लासिकेन थे सर्टिफिकेशन पिन्बा हिन्ना । ज्योति विकास बैंकसे प्राविधिमैत्री थेन ग्राहक केन्द्रित सेवाकादेदा प्राथमिकतारि थान्सिकेन डिजिटल ट्रान्सफर्मेशन थेन छार प्रविधिग्याम नेपालला डिजिटल बैकिङ थुमरि उल्लेखनीय भुमिका निर्वाह लासिकेन कोङ्बा थेन Digital Banking स्हेङ्बादा थेनआचिना पिन्सिकेन खाबा मुला । ग्राहककादेला सुविधाला लागि डिजिटल बैंकिङरि सक्रिय लिरि छार प्रविधिकादे ल्हेना लाचिबा चु विकास बैंकसे ग्रा सुरक्षा, साइबर जोखिम लिब्रो निवारक प्रणाली, निरन्तर सुधारात्मक नीति थेन नियामक निकायकादेला डिछ्या अनुपालनरि खाजिबाइ सम्झौता आलाना बैंकिङ सेवा पिन्सिकेन खाबा मुला ।

(छिगला अर्थः डिछ्याबा– व्यवस्थापन, स्यानह्युल– अन्तर्राष्ट्रिय, तेन्बा– मान्यता, फेल्गेबा– विकास, गेन्दुन– संस्था, ग्रा– सूचना, दानः– आधार, ग्यारेम– अभ्यास, डिछ्या– व्यवस्था)