दोपरि च्याचिबा मुला
ह्याल तामाहेन्से पाङ्ला
दोपला स्हेर कात्ते मुबा
उ थे नोबा गाङ
थाल्सिमाम नितोबा मुला
दोमाहेन्से पाङ्ला
हान्डोला सकस कात्ते मुबा
थेलिच्छा,
दोसि
ग्रेन छ्युलुङला जंघार थातोमुला
क्याम्साङ दोमाहेन्से पाङ्ला
कात्ते लोङ्जि
कात्ते क्राजि
छ्युलुङ्ला छाल खाराङ्बा मुबा
असफलतारि ह्रो ख्लाबाला
सफल तामाहेन्से पाङ्ला
खाल्ला ह्रो
थेन
खाल्ला ठा मुबा । 
ङा ह्राङ्नोन 
ह्राङ्तेन फेबा म्हि
ह्रुप तामाहेन्से पाङ्ला
खानाङ, खाल्से
या थेन ह्रो पिन्बा मुबा
ओम
खाल्से गिक्खेन ख्लाबा मुबा ।

(छिगकि दोनः थाल्सि– उछिनेर, छ्युलुङ– समुन्द्र, ठा– घात, ह्रो– साथ)

दोःबा : यकिना अगाध