ङा थोन्मा दिमग्याम 
छिँडीला नाकिसे चुह्राङ्लासि मे ह्योङ्जि
कि ह्योङ्बाकेन मुला डाबाला दाज्र्यु
महान योद्धाला डाबारि 
ङा सिकन्दर
ज्युमङेजि
म्हान्जि,
चु ङाला गेङ्ला प्लेनरि सोला 
खाम्सेला हिन्साम
खाराङ्लासि ह्योङ्ला मुतेबा दिम,
चुसे ह्योङ्बा मुसिम 
गल्ली, टोल थेन सडक

दिम माङ्ग्यार
टोलला गल्लीरि
ओस्बान लासि ह्योङ्जि मे 
दिम आरेबा याखारगि नाकिसे 
थे खाइमागि
ङा ङ्ह्योइसिमाम दिमरि खामा 
याङ्मुबा तिगाइ प्लेन ड्वाला छि,
नाकाला काङ व्हा खसीला ग्रुङ
ङा चंगेज खान
ज्युमङेजि
म्हान्जि, 
चु ङाला गेङ्ला प्लेनला आशारि सोला
खाम्साम मेला बो
चुसे ह्योङ्सेला मुसिम 
सहर, ह्युल थेन मुतेबा जाम्बुलिङ 
मेला बो

विरानो ग्लारि 
ङाला ठाँट, रवाफ थेन अत्तरसे रिलख्वाइसि 
तिगाइ नाकिजुगुसे चुह्राङ्लासि मे ह्योङ्जि
कि ह्योङ्बाकेन मुला 
ह्राप्सिमाम समर्थनरि
मोक्कोन नोन मोक्कोन संसद्ला टेबलजुगु
ङा महान् सम्राट अशोक
ज्युमङेजि
म्हान्जि,
चु ङाला गेङ्ला प्लेनला मोलमला ख्रेन्बा
खाम्सेला हिन्साम
मेला बो
चुसे ह्योङ्सेला मुबा तेसिमाम क्रास्या
खाराङ्लासि ह्योङ्चिबा मुला दाते ह्राङ्ला
विश्वविद्यालयला ग्युइसेरकि प्रमाणस्योजुगु 
काकार इमान, जमान थेन ल्हेदा
थान्सि यारि 
चु तैयार म्राङ्बा मुला मोहर थान्सि 
ङाला काङरि भेटी फुल्सि फ्यालाबारि

ङा थोन्सि दोखाङरि दोमा
नाकिला मे ह्योङ्बा लामबिमा ह्रेङ्बा लाम
ओ थे लामला मेरि ह्राङ्दा याङ्सिमाम
विस्मित मुला

देन्बासे खाजिबाइ ब्रेल्बा आथान ङाला विस्मयतेन 
देन्बाम चु हिन्ना 
चु ह्याङ्ला युग
मे आरेबा नाकिला युग दोबा मुला ?

दोःबा : यकिना अगाध