याम्बु । एन आई सी एशिया बैंक लिमिटेडसे लिलाम चुङ्बा सम्बन्धी मुतेबा जानकारी ह्रुप्बा अनलाईन पोर्टल सार्वजनिक लाबा मुला ।

चु पोर्टलग्याम बैंकला मिनरि मुबा बैंकिङ सम्पत्ति, गैर बैंकिङ सम्पत्ति थेन धितोरि मुबा सम्पत्तिकादेला विवरण देबाः लासि याङ्बारि खाम्सेला डिछ्या लाबा मुला ।

ग्राहककादेसे बैंकसे तेबा लिलाम चुङ्बा सम्बन्धी ग्रारि मुबा कोड स्क्यान लासि थे पार्टलरि निबारि खाम्सेला मुला । पार्टलरि सम्बन्धित सम्पत्तिला कित्ता नम्बर, क्षेत्रफल, नक्सा, फोटोला छ्याम गुगल म्यापग्याम्से ग्लाला ङोसेबा ह्राङ्बा ल्होलो जानकारीकादे थान्बा मुला ।

ग्लुबारि सेम लाबा म्हिकादेला लागि पार्टलरिन म्यासेज बक्स थान्बा मुला, थेरि ह्राङ्ला मिन, इमेल, मोबाइल नम्बर थेन सम्पर्क ठेगाना थान्सि जानकारी काप्बाला लागि साङ्ग्युर पुइबारि खाम्ला । बैंकसे पोर्टलरि लिलाम चुङ्बा सम्बन्धी सम्पत्ति विवरण ओसेम स्यान्दो ग्रा नियमित लिरि अद्यावधिक लासेला पाङ्मुला ।

एन आई सी एशिया बैंकला ह्रोतेन ग्रेन्पो कार्यकारि अधिकृत ओसेम ग्रेन्पो ग्रा अधिकारी अर्जुनराज खनियाला आन्सार, चुु डिजिटल पहलसे ग्राहकदा पारदर्शिता थेन देबाः पहुँच पिन्सि लिलाम प्रक्रिया ल्हाना प्रभाकारी स्होसेला विश्वास बैंकसे किन्बा मुला ।  

(छिगला अर्थः देबाः– सजिलो/सहज, डिछ्या– व्यवस्था, ग्रा– सूचना, साङ्ग्युर– सन्देश, ह्रोतेन– सहायक, ग्रेन्पो– प्रमुख)